گادتب-نین مطبوعات مرکزینه داخیل اولان معلوماتا گؤره، گادتب بئین الخالق علاقهلر دئپارتامئنتینین صدری، آوسترالیا آذربایجانلیلاری آسوسیاسیاسی پرئزیدئنتی سایین میکاییل بی اویتانین تورکیهده کی تئررور آکتینی پیسلمهسیله باغلی مکتوبو آذربایجان مطبوعاتیندا گئنیش یاییلیب. آذرتاج و دیاسپورا کومیتهسینین سایتلاری و سایر سایتلار سایین میکاییل بیین مکتوبونو عکس ائتدیریب.
بونونلا باغلی آذرتاج-ین درج ائتدیگی خبری تقدیم ائدیریک:
آوسترالیانین سیدنئی شهرینده فعالیت گؤسترن آوسترالیا آذربایجانلیلاری آسوسیاسیاسی (آاا) ایستانبولدا تؤردیلمیش تئررور آکتی ایله باغلی تورکیه دؤولتینه و تورک خالقینا درین حوزنله باش ساغلیغی وئریب.
بو بارهده آذرتاج-آ آوسترالیا آذربایجانلیلاری آسوسیاسیاسی نین صدری میکاییل اویتا معلومات وئریب. تئررور آکتی ایله علاقهدار تورکیهنین آوسترالیاداکی سفیری کورحان کاراکوچا دیاسپور تشکیلاتی طرفیندن باش ساغلیغی مکتوبو گؤندریلدیگینی بیلدیرن م.اویتا آوسترالیادا یاشایان آذربایجانلیلارین بو دهشتلی حادثهدن چوخ سارسیلداقلارینی دقته چاتدیریب.
مکتوبدا دئییلیر: “تئررور آکتی نتیجهسینده یارالانانلارین تئزلیکله ساغالاجاغینا اومید ائدیریک. بیز درین سارسینتی ایچریسینده ییک و چوخلو سایدا اینسانین عائلهسی، دوستلاری ایله بیرلیکده هفته سونو خوش واخت کئچیردیکلری مشهور ایستیقلال کوچهسینده تئررور هوجومونا معروض قالماسینی شدتله قیناییریق. بو تئررور آکتی بیزیم سیویلیزاسیایا و دیرلریمیزه هوجوم دئمکدیر. بونو قطعیتله پیسله ییریک. الله بؤیوک تورکیه نی و تورک خالقینی قوروسون!”.