ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیینین (گادتب) بئین الخالق علاقهلر دئپارتامئنتینین صدری سایین میکاییل بی اویتا آذربایجان عسگرلرینین ائرمنیستاندا ایشگنجه ائدیلمهسی ایله باغلی آوسترالییانین خاریجی ایشلر ناظری پئننی وونگا مکتوبلا مراجعت ائدرک، بو دهشتلی داورانیش بارهده معلومات وئرمیشدی.
سایین میکاییل بی آوسترالییالی ناظره ائرمنیستانین ایکی آذربایجانلی عسگری اسیر گؤتوروب وحشیجهسینه و قئیری-اینسانی شکیلده اونلاری ایشگنجه ائدیب و فیلمینی یایماسی بارهده مکتوبلا معلومات وئریب. مکتوبون بیر حیسهسینده یازیلیب: نظرینیزه چاتدیراق کی، ائرمنیستانین کوتلوی اینفورماسییا واسطهلری طرفیندن درج ائدیلمیش فوتو و ویدئولار بئین hلخالق حقوقی سندلره ضد اولاراق آذربایجانین حربچیسینه قارشی ایشگنجه و دیگر غیری-اینسانی حرکتلرین حیاتا کئچیریلمهسی فاکتینا ایانی ثبوتدور. بئله کی، ویدئودان آذربایجانلی حربچینین الی باغلی اولاراق دؤیولمهسی و تحقیر اولونماسی گؤرونور.
سایین میکاییل بیین مکتوبونون اینگیلیسجه تام متنینی تقدیم ائدیریک:
