ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیینین (گادتب) بئین الخالق علاقهلر دئپارتامئنتینین صدری سایین میکاییل بی اویتا آوسترالییادا آبوریگئن اهالی ایله علاقه دار نیظامنامهیه ده ییشیکلیکله باغلی کامپانییایا دستک وئریب.
الده ائتدیگیمیز معلوماتا گؤره، آوسترالییا ائنئرگئتیکا و اطراف موحیط ناظری سایین کریس بوون و فئدئرال، ائلهجه ده یئنی گونئی اوئلس (NSW) ایالتیندن بیر نئچه میللت وکیلی یئرلی اهالی (First Nation) آدیندان بو ایالتین نیظامنامهسینده ده ییشیکلیک کامپانیاسینا باشلادیبلار.
سایین میکاییل بی اویتانین دا قاتیلدیغی همین کامپانییادا چوخلو میللتلر ایشتیراک ائتمیشدیلر. میکاییل بی عینی زاماندا کئچیریلهن بو کامپانییانی حمایه ائدیب.
قئید ائدک کی، آوسترالییادا آبوریگئن اهالی بیرینجی میللت کیمی بو اؤلکهده ان چوخلو ایمتیازلارا صاحب اولمالیدیلار. لاکین بو عکسینهدیر و مهاجیرلر یاخشی شرایطده یاشاسالار دا، آبوریگئنلر آوسترالییادا دفعهلرله سویقیریما معروض قالیبلار و بو گون ده آشاغی شرایطده یاشاییرلار.
