گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیینین (گادتب) بئینلخالق علاقهلر دئپارتامئنتینین صدری سایین میکاییل بی اویتا اورمییا گؤلونو قورودان ایرانا تضییق گؤستریلمهسی اوچون بیرلشمیش میللتلر تشکیلاتینین باش کاتیبینه مراجعت ائدیب.
سایین میکاییل بی مکتوبونون بیر حیسهسینده یازیب: «حؤرمتلی باش کاتیب آنتونیو قوتتئرئش،
اورمیه گؤلونده باش وئرهن دهشتلی وضعیته دقتینیزی چکمک اوچون یازیرام. ایران حکومتینین گؤله سویون آخماسینا مانع اولان بندلرین تیکینتیسی و علاوه سو آخینینی پوزان و بوخارلانماسینی سرعتلندیرهن بیرباشا گؤلون اورتاسیندان کئچن ماگیسترال یولو بؤلگهنی هومانیتار و ائکولوژی فلاکتین آستاناسینا قویوب.
مسئله نین آغیرلیغینی اینکار ائتمک اولماز. اورمیه گؤلونده سو بندینین تیکینتیسی نتیجهسینده سون واختلار آزالان سو سوییهسی و سویون کئیفیتینین اهمیتلی درجهده پیسلشمهسی بو اساس ائکوسیستئمین مؤوجودلوغونو تهلوکه آلتینا آلماقلا یاناشی، یئرلی اهالینین دولانیشیق واسطهلرینی و ریفاهینی دا تهلوکه آلتینا قویور. اگر بندلر باغلی قالسا، نتیجهلر بوتون رئگیوندا عکس-صدا وئرهجک، دوز یاتاقلاریندان قالخان دوز فیرتیناسی ائکولوژی فلاکته سبب اولاجاق، ائلهجه ده داها سرت دوزلو هاوایا تاب گتیره بیلمهیهن یئرلی اهالی کوتلوی شکیلده اؤز یوردوندان دیدرگین دوشمهیه مجبور اولاجاق. بؤلگهده یاییلان تنفوس خستهلیکلری و آغجییه ر خرچنگی کیمی خستهلیکلرین بو پروبلئمله باغلی اولدوغو بیلدیریلیر.
بیرلشمیش میللتلر تشکیلاتینین رهبری کیمی سیز بو مسئله نین حلینده موهوم رول اوینایا بیلرسینیز. سیزی ایران حکومتی ایله علاقه ساخلاماغا و مسئله نین حلینه نایل اولماغا چاغیریرام…
من سیزین بو مسئلهیه دقتینیزی و قلوبال ائکوسیستئملرین قورونماسینا صادیق لیگینیزی یوکسک قیمتلندیریرم. سیزین موداخیلهنیز فلاکتلی نتیجهلرینین قارشیسینی آلا بیلر و بیرلشمیش میللتلر تشکیلاتینین دایانیقلی گله جگین تشویقینه اولان باغلیلیغینین ثبوتو اولا بیلر…
سایین میکاییل بیین مکتوبونون تامن متنینه اینگیلیسجه بورادان باخا بیلرسینیز: