ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیینین (گادتب) بئین الخالق علاقهلر دئپارتامئنتینین صدری سایین میکاییل بی اویتا تاسمانییادا اویدورما ائرمنی سویقیریمی دئباتیندا آذربایجان حقیقتلری ایله باغلی اویدورما فیکیرلرین سسلهنمهسینه گؤره تاسمانییا آسامبلئیاسینین ایسپیکئری مارک شئلتونا مکتوبلا مراجعت ائدیب.
سایین میکاییل بی مکتوبونون بیر حیسهسینده یازیر:
من تاسمانییادا ائرمنی سویقیریمینین تانینماسی دئباتی زامانی، خصوصیله ده آذربایجانین گویا قاراباغین بلوکادایا آلماسینا دایر سون بیاناتلارلا باغلی ناراحاتلیغیمی بیلدیرمک اوچون یازیرام. خصوصیله آوسترالییانین قاراباغین آذربایجانین سووئرئن تورپاقلاری کیمی تانینماسی ایله باغلی فئدئرال مؤوقعئیی فونوندا ائرمنی طرفینین یایدیغی غرضلی و چاشدیریجی روایتلره موناسیبت بیلدیرمک واجیبدیر.
کاسی او’کوننور و دیگر ناطیقلرین دئبات زامانی وئردیگی بیاناتلار حقیقته تام اعتیناسیزلیق نوماییش ائتدیردی و مؤوجود وضعیتله باغلی بیرطرفلی و اساسسیز آچیقلامانی داوام ائتدیردی. او’کوننورون آذربایجانین تطبیق ائتدیگی “بلوکادا” ایله باغلی ادعالاری یالاندیر و یئردهکی مورکب رئاللیغی عکس ائتدیرمیر.
بو یاخینلاردا قاراباغدا روسییا صلح مراملیلارینین، ائرمنیلرین و ایرانلیلارین آذربایجان اراضیلرینه قانونسوز سوخولاراق، قیزیل و میس کیمی قیمتلی طبیعی ثروتلری، خصوصاً ده قیزیلبولاق قیزیل و دمیرلی میس-مولیبدئن معدنلرینده غیری-قانونی یوللا ایستحصال آدی آلتیندا تالان ائتمک مقصدیله البیر اولدوقلاری معین ائدیلیب. بوندان باشقا، روسییانین ائرمنیستانی غیری-قانونی سلاحلارلا تامین ائتدیگی، یوک ماشینلارینین قاراباغدان غیری-قانونی سلاح داشیدیغی معین ائدیلیب کی، بو دا رئگیوندا غیری-ثابتلیگی داها دا گوجلندیریر. بونون عکسینه اولاراق، آذربایجان ایجازهسیز موداخیلهنین و رئسورسلارین اوغورلانماسینین قارشیسینی آلماق اوچون نظارت-بوراخیلیش منطقهلری تطبیق ائتمکله وضعیتی ایداره ائتمک اوچون اؤلچولوب-بیچیلمیش آددیملار آتیب.
سایین میکاییل بیین مکتوبونون اینگیلیسجه تام متنینی تقدیم ائدیریک:
