ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالیا آذربایجان آسوسیاسیاسینین پرئزیدئنتی، گونئی آذربایجان دئموکراتیک تورک بیرلیگی‌نین (گادتب) بئین الخالق علاقه‌لر دئپارتامئنتی‌نین صدری سایین میکائیل بی اویتا آوسترالیادا مخالیفتین لیدئری و کؤلگه خاریجی ایشلر ناظری کیمی تانینان سئناتور سیمون بیرمینگاما خوجا‌لی سویقیریمینین تانینماسی صرورتی ایله باغلی مراجعت ائدیب.
سایین میکائیل بی اویتا ائرمنیستانین تؤرتدیگی خوجا‌لی سویقیریمی و ائرمنیستانین روسیا و ایرانین حمایه‌سی ایله داغیدیجی سیاست یئریتمه‌سی حاقیندا معلومات وئره‌رک، خوجا‌لی سویقیریمینین تانینماسی ضرورتینی بیلدیرمیشدی.
قئید ائدک کی، آوسترالیا آذربایجان آسوسیاسیاسینین پرئزیدئنتی، گونئی آذربایجان دئموکراتیک تورک بیرلیگی‌نین (گادتب) بئین الخالق علاقه‌لر دئپارتامئنتی‌نین صدری سایین میکاییل بی اویتا بوندان اؤنجه ایسه خوجا‌لیدا ائرمنی‌لرین آذربایجان‌لی‌لارا قارشی تؤرتدیگی سویقیریمین ایل دؤنومو ایله باغلی آوترا‌لییانین خاریجی ایشلر ناظری پئننی وونگا مکتوبلا مراجعت ائده‌رک، بو دهشت‌لی سویقیریم باره‌ده معلومات وئرمیشدی.
سایین میکائیل بی آوسترالیا‌لی ناظره ائرمنی‌لرین آزربایجانین خوجا‌لی شهرینه 1992-جی ایلین فئورالیندا هوجوم ائدیب، شهری یئر اوزون‌دن سیلمکله دهشت‌لی سویقیریم تؤرتدیگی، ائرمنیستانین اؤز متفیق‌لری- روسیا، ایران، سوریا و پ ک ک تئررور تشکیلاتینین کمگینه آرخا‌لانا‌راق صلح سازیشینی رد ائتدیگی و سایر مسئله‌لر باره‌ده معلومات وئرمیشدی .
سایین اویتا مکتوبونون سونوندا بشریته قارشی تؤره‌دیلن جینایت‌لرین تانینماماسینین یئنی جینایته‌لره یول آچاجاغینی خاطیرلادارق، آوسترالیا دؤولتینی خوجا‌لی سویقیریمینی تانینماغا چاغیرمیشدی.
سایین میکاییل بیین مکتوبونون اینگیلیسجه تام متنینی تقدیم ائدیریک:
