ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینین یایدیغی معلوماتا گؤره، بو گون ۲۰۲۳-جی ایل دئکابرین ۱۷-ی آوسترالییانین سیدنئی شهرین‌ده ائرمنی تئررورچولارینین ۱۹۸۰-جی ایلده 43 ایل اؤنجه تئررور ائتدیگی تورکیه باش کونسولو شاریک آریاک و محافظه‌چی‌سی آتاشئ ائنگین سئوئرین شرفینه آنیم مراسیمی کئچیریلیب.
آنیم مراسیمینه گونئی آذربایجان دئموکراتیک تورک بیرلیگی (گادتب) بئین الخالق علاقه‌لر دئپارتامئنتینین صدری سایین میکاییل بی اویتا آوسترالییا-آذربایجان آسوساسییاسی پرئزیدئنتی سایین میکاییل بی اویتا رسمی دعوتله قاتیلیب.
سیدنئی‌ده تورکیه‌نین باش کونسوللوغون‌دا کئچیریله‌ن مؤحتشم تدبیره تورکیه سفیری اوفوک گئزئر و تورکیه‌نین باش کونسولو سایین علی سئویم و دیگر یئتکی‌لیلر قاتیلیبلار.
سایین میکاییل بی اویتا گول چلنگی ایله تدبیره قاتیلیب و تورک شهیدلریمیزی یاد ائتمیش‌دیر.
قئید ائدک کی، ۱۷ دئکابر ۱۹۸۰-جی ایل تاریخین‌ده ائرمنی تئرروریستلری طرفین‌دن آوسترالییانین سیدنئی شهرین‌ده تورکیه‌نین باش کونسولو شاریک آریاک و و محافظه‌چی‌سی آتاشئ ائنگین سئوئر وظیفه باشین‌دا شهید ائدیلمیشلر. بو گون سیدنئی‌ده سایین میکاییل بی اویتانین ایشتیراکی ایله همین تورک شهیدلرین خاطره‌سی آنیلیب.
