ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل لان معلوماتا گؤره، آپرئلین ۲۹-دا گونئی آذربایجان دئموکراتیک تورک بیرلیگی (گادتب) بئین الخالق علاقه‌لر دئپارتامئنتینین صدری، آوسترالییا آذربایجان آسوسیاسییاسینین پرئزیدئنتی سایین میکاییل اویتا و گونئی آذربایجان دئموکراتیک تورک بیرلیگی (گادتب) قادین و اینسان حاقلاری دئپارتامئنتینین صدری سایین سارا آذرسون رسمی دعوتله سیدنی‌ده کئچیریلن یاپونیا-تورکیه دوستلوق کونسئرتینه قاتیلیبلار.
کونسئرت ۲۹ آپرئل‌ده آوسترالییانین سیدنی شهرینین اوپئرا هاوس زالیندا کئچیریلیب.
کونسئرت یاپونیا-تورکیه دوستلوغونون هله ۱۹-جو عصردن گونوموزه دک داوام ائد‌ن دوست‌لوغونا حصر ائدیلمیش‌دیر.
۱۸۸۹ دا ارتوغرول گمی‌سی ۱۲ آیدان سونرا یاپونییایا چاتیب و عثمانلی حاکمین‌دن هدیه‌لر و دوسلوق مئساژینی چاتیرمیشدی. فریقات ارتوغرول یاپون سولارین‌دا اوچ آیلیق قالدیغی مدت‌ده مینلرله یاپون گمی‌سینه کونسئرتلر وئریب. نهایت، گئری دؤنوش اوچون حاضرلیقلار تاماملاندی. یاپون حربی دنیز قوه‌لرینین یولا دوشدویو گون تایفون خبردارلیغینا باخمایاراق، ارتوغرول فریقاتی پلانلاشدیریلدیغی کیمی ۱۵ سئنتیابر ۱۸۹۰-جی ایلده یوکوهاما لیمانینی ترک ائتدی. اوچوش زامانی هاوا شرایطی یاخشی ایدی، لاکین ائرته‌سی گون آخشام کوله یین گوجله‌نمه‌سی ایله گمی آغیر دالغالار آلتین‌دا چتین‌لیکله ایرلیله ییردی. فیرتینا گوجله‌نمه‌یه داوام ائتدیکجه، گلن دالغالار گؤیرته پانئللرینی اؤن طرف‌دن آییردی. قازانخاناداکی کؤمور چنلرینه سو سیزیب. دؤرد گون عرضین‌ده ائکیپاژ یئلکه‌نلری دوزل‌ده‌رک زده‌لری دوزلتمه‌یه چالیش‌دی. کیفایت قدر تکان اولمادیغی اوچون حرکت‌سیز قالان گمی کولک و دالغالارلا کوشیموتو آداسینین شرق ساحلین‌ده‌کی تهلوکه‌لی قایالارا دوغرو سورونمه‌یه باشلاییب. ائکیپاژ قایالارین قارشی‌سین‌دا گمینی دایاندیرماغا چالیش‌سا دا، بونا نایل اولا بیلمه‌ییب. ۱۸ سئنتیابر ۱۸۹۰-جی ایلده ارتوغرول فریقاتی قایالارا چارپاراق باتدی. قضادان یالنیز ۶۹ دنیزچی ساغ قالیب، گمی کوماندیری میرلیوا عثمان پاشا دا داخیل اولماقلا دیگر ائکیپاژ هلاک اولدو.
همچینین۱۹۸۵-جی ایلده یاپون وطنداشلاری ایران-عراق ساواشین‌دا تهران‌دا یاردیم‌سیز و بومبلارین آلتین‌دا جانلارینی قورتارماغا ایران دؤولتی هئچ بیر یاردیم ائتمه‌دی. آنجاق تورکیه‌نین بیر نئچه طیاره‌سی بومبلارین آلتین‌دا چوخ پیس شرایط‌ده تهرانا ائنیپ و ۲۵۰ نفری تهلوکه‌دن قورتاردی. بو ایکی میللتین ان گؤزل بیرلیگی و دوستلوغونون گؤستریجی‌سی‌دیر.
همین گونلرین خاطره‌سی بو کونسئرت‌ده اوپئرا شکیلین‌ده نوماییش ائتدیریلدی. بو کونسئرت یاپونیا، تورکیه و آوسترالییانین یاردیمی ایله باش تودو.
کونسئرته آوسترالیا، تورکیه و یاپونیا دؤولت آداملاری و ایجمالارین باشقانلاری دعوت اولونموش‌دولار.
کونسئرت‌دن شکیللری تقدیم ائدیریک:
