ادتاج اتحادیه دمکراتیک ترک آذربایجان جنوبی
گادتب: بیلدییینیز کیمی مدرن دؤنمده خارجی قووه‌لرین دسته‌ی‌ا‌یله قورولان ایران دؤولتی‌نین اؤزه‌یینده فارسچیلیق مفکوره‌سی و مرکزچیلیک سیاستی دایانماقدادیر.
حکومت‌لر دییشسه ده بو ایکی اساس مساله هله ده داوام ائتمکده‌دیر و دییشیلمز اولان مساله‌لردن عبارت‌دیر.
آنجاق ماراقلی اولان بودور وورغولانان دوشونجه سیستمی نه تکجه سیاسی آلان بلکه توپلومسال آلاندا بیله یایقین اولموش‌دور. ائله او اوزدن‌دیر ایران اورتامینین ضیالی گروپ‌لاری و توپلومسال فعال‌لاری بیله زامان-زامان بو عدالت‌سیز سؤیلمین جارچی‌لاری اولموش‌لار.
بوگونکو دونیادا هر بیر سیاسی اجتماعی قووه‌نین اؤندرلری و نماینده‌لری هر بیر آلاندا فعالیت گؤسترمکده‌دیر. هر هانسی بیر قورولوش و جبهه‌ده هر بیر قووه‌نین نماینده‌سی اولماسا او یارانان قورولوش او اجتماعی قووه‌نی تمثیل ائتمک‌دن محروم اولور.
ایندی ده دیرناق‌آراسی اوپوزیسیون و مخالف سلبریتی‌لر جرگه‌سی، ایران آدلانان جوغرافیانین یاریسیندان آرتیق انسانلارینی تمثیل ائتمک‌دن محروم‌دورلار. نییه کی اونلار چوخ میللتلی بیر اؤلکه‌ده یالنیز بیر میللتین سسی اولماغا جان آتیرلار.
گوندم سیاسی دییشیم و گئدیشات اونو گؤستریر، مرکزچی قووه‌لر میللی هگمونیا و استیلالارینی باشقا میللیت‌لر اوزه‌رینده ساخلاماقدان بیرآن اولسون بیله وازکئچمک ایسته‌میرلر و او میللیت‌لرین حقوقلارینی تانیماق ایسته‌مه‌ییب، یاشادیقلاری جوغرافیانی تالاماق فکرینده‌دیرلر.
هامییا بللی‌دیر بئله بیر بیرلشمه‌لرین، میللی آزینلیق‌لار اوچون هئچ بیر یارار و قازانجی اولمایاجاق.
او اوزدن ده آزینلیق‌لارین میللی مجادله سینده داها باغیمسیز و داهادا گئنیش آتدیم‌لار آتیلمالی‌دیر.
میللی اؤزگورلویه وارماق اوچون چیخیش یول، باخیش اوفوق‌لرینی میللت گوجونه اوداقلاییب، سیاسی گیریشیم‌لری ایسه باشقا آزینلیق‌لارلا اولاسی اولان ایش‌بیرلییی و اونلارلا اولان بیرلشمه‌لره یؤنلتمکدن عبارت دیر..
