ادتاج اتحادیه دمکراتیک ترک آذربایجان جنوبی
گادتب» بو نهضت اؤنجه عرب عجم برابرلییینی اؤنه سورسه ده زامان سوره‌جینده فارس اوستونلویونو اورتایا قویاراق، عرب و تورک دشمنلییینی سوردورموش‌دور.
او اساسدا دا دینی روایت و حدیث‌لرده ساختالاشدیرما و تحریف‌لره ال آتماقدان بیله چکینمه‌میش‌دیر.
تاریخ بویونجا اسلام دونیاسی و تورک اسلام حاکیمییت‌لرینین علئیهینه فعالیت گؤستریب دشمنلیک ائدن شعوبیه، گاه قرمطی، گاه حشاشیون، گاهدا اسماعیلیون شکلینده گؤرونسه‌ده صفوی حاکیمییتینین ایدولوگییاسیندادا یووا سالیب بوگونده داوام ائتمکده‌دیر. زامان-زامان قیرغین‌لار تؤره‌دیب اینسانلیق و اخلاقیاتین علئیهینه هرتورلو پیسلیک‌لره و جنایت‌لره قول باسان شعوبیه، اصلینده دین آدی آلتیندا فارس راسیزمینی سوردورموش‌دور.
فارس میف(اسطوره) و اینانج‌لارینی ماهییتینده داشییان شعوبیه نه تکجه اویدورما، جایدیرما، ساختالاشدیرما و آیریمچیلیق، بلکه ترور، سؤیوش، لعنت و نفرت ایله دولدورولموش بیر چیرکین مجموعه‌‌یه دؤنوشموش‌دور.
بوگون گونئی آذربایجاندا تورک بیلینجینین اولوشوب اوجالماسی و تورک دونیاسینین گوجلنمه‌سی شعوبیه حرکاتینی سارسیتمیش و آغیر ضربه‌لره معروض قویموش‌دور.
او اوزدن ده داهادا عصبی شکیلده داورانیب ایچ اوزلری و ماهییت‌لرینی آچیق-آیدین اورتایا قویماقدادیرلار.
اونلار هئچ بیر زامان حقیقتدن یانا اولمادیقلاری اوچون یانلیشلیغین تمثیلچیسینه چئوریلمیش‌لر.
آنجاق گؤرونن اودور اونلارین اییرنج گؤستری‌لری، حاقسیزلیغین و قارانلیغین سون باغیرتی‌لاری‌دیر نییه کی تاریخین حقیقت و عدالت گونشی آرتیق ایشیق ساچماقدادیر.
سیامک میرزایی
