ادتاج اتحادیه دمکراتیک ترک آذربایجان جنوبی
گادتب: میرزا علی اکبر طاهیر زاده(صابیر) اؤز دؤرونده حاکیملرین ظولوملرینه قارشی یازیر:
ای قول چوماق السیزلره چوخ ائیلمه آزار
فیکر ائتمهکی دونیا قالا همیشه بو منوال…
بلی بوگون منده قول چوماقلارا سسلنیرم
هچ قاپی بیر دابان اوستونده دولانمیر دییشیلیر، هم گئجهسی همده گوندوزو واردیر!!
آخی دونیا دولانیر
گون کئچیر آیلار اؤتور!
گاه قیش اولور گاه یازی واردیر…
دؤرد آیا یاخین دیر بیر سیرا گوناهسیز اینسانلار یالنیز حاقسئورلیک ایتتهامی ایله توتوقلانیب؛ حبس اولونارکن بوتون عایلهلرین حسرتده و اظطراب دا قویوبلار.
میثال ایچون: موسلمانلاری کوتلوی قتل عام ائدن تروریست داشناکلارین دوشمانی عبدالعزیز عظیمی قدیم، حاقسئور وکیل طاهیر نقوی، و بو سیرادا: باقیر حاجی زاده، کمال سیف خواه، آراز امانی، حسین پیری، کرم مردانه، مرتضی پروین و… ندن حبسده دیرلر؟! هانسی فشارا؛ افترایا قارشی و ندن قورو اوروج دوتماق قرارینا گلیرلر؟( اعتصاب خشک) سیزجه اونلارا اولونان ظولمه بو میللت دؤزهجک دیر؟
منجه یوخ؛ اونا گؤره کی داها بیچاق سوموگه دایانیب دیر؛ اؤلمک وارسا بیزده اؤلومه حاضیریق. یوز ایله یاخین دیر موختلیف پالتاردا آنتی ایسلام آنتی تورک نماینده لری قددارجاسینا بیر میللتین دیلینده تحصیل آلماسینی یاساق ائدیب؛ آللاها ساواش اعلان ائدهرک وئردییی دیلین آرادان آپاریر!
هچ دوشونمهلی دئیل بونلارین مسلکی؛ اینانجی ندیر کی بئیله بیر اینسانلیغا؛ دینلره و موقدساتا قارشی اولان ظولمو داوام ائدیرلر. داها دؤزومون ده سینیری وار
منجه بس دیر تاریخ دن درس آلیب آرتیق حاققا باش ائییب محبوسلاری آزاد ائدین، تورک دیلینی رسمیته تانایین، آنتی تورک گوجلر قوللوقچولاریندان فایدالانارلار و سونرا اونلاری میندار اسکی کیمی زیبیل قابینا آتارلار بونو گؤره گؤره بوی آتمیشیق! آتالاردان بیر میثال وار: ساواشاندا ائله داوران باریشماغا یول قالسین؛ یوخسا توستو هامینین گؤزونه دولار! بو دونیا سیحیرلی دونیا دیر.
آخی بیر گوجلو عدالت
حوکم ائدیر دونیایا آنجاق
اونو غافیل گؤره بیلمیر…
اونا خاطیردی بوگون چرخ فلک فیرلاناراق
قدرت آلیب وئرمهیی هی تیکرار ائدیر
بئله بیر گون دوشونه
قلبی قارا
گؤزلری کور
بئینی قیفیللانمیش آداملار
چکه ال ظولم ائلهمک دن
زور دئمک دن؛ حاققی یئمک دن
یئر اوزون قان ائلهمک دن
بلکه اینسان قورتارا جنگدن،حبسدن،ظولمودن، داردان ائله….
من عقیل آذردخت بیر یازیچی؛ تدقیقاتچی و شاعیر اولاراق محبوس لاردان اؤز حمایه دارلیغیمی اعلان ائدهرک بوتون آزادلیق سئور اینسانلارین دا حمایهلرینی ایستهییرم.
یاشاسین آزادلیق،عدالت و میللی حکومت
