ادتاج اتحادیه دمکراتیک ترک آذربایجان جنوبی
گادتب: اردبیل شهرینده ایرانشهری یا خود پان ایرانیست قوللوقچوسو اولان مانقورتلار میللتی جایدیرماغا گوره مدام سوژه اختاریرلار.
میثال اوچون جنگ چالدیرانا مراسیم توتورلار! حال بو مراسیم توتانلاردان بیر نئچه سئوال سوروشمالییق:
۱- شاه اسماعیل تورک دیلین رسمی دیل اعلان ائتدی. مملکت آدین آزربایجان قویدو. سیز بو گون آزربایجان آدیلا تورک دیلی‌ایله دوشمانچیلیق ائدنلره قوللوقچو دئیلسیز؟ سیز آنتی تورک پان ایرانیستلرین قوللوقچوسو اولاراق آیا شاه اسماعیل دوشمانلاری دئیلسیز؟! چالدیران ساواشی مذهب ساواشی دئیلدی بلکه ایکی تورک رهبری آراسیندا رهبرلیک ساواشی ایدی اونا مذهبی آد قویماق آیا مسلمانلار آراسیندا اختلاف یارادیب آنتی اسلاملارا یاردیم ائتمک دئیل؟!
۲- چالدیران ساواشیندا ایکی طرفدن ۷۰۰۰ (یئددی مین) تورک اولوب؛ ساواش قورتاریبدی. اونو تئز تئز مطرح ائله‌مه‌گین آنتی تورک‌لوک‌دن باشقا نه اونمی واردیر؟ آما صفویلری قتل ائدن محمود افغان میلیوندان چوخ تورک اولدوروب؛ ندن اونون آدین دیلیزه گتیره بیلمیرسیز؟ بیر مراسیم توتمورسوز؟ بلکه اونون نوه نتیجه سینین مانقورتلاری اولاراق قوللوقوچولوق ائدیرسینیز!
۳- چالدیران ساواشیندا سلطان سلیم پیروز اولدو قایتدی گئتدی محمود افغانین توره‌مه‌لری همان آنتی اسلام پان ایرانیستلر اون میلیون افغانلینی گتیریب میللی کارت وئریب؛ ایش وئریب؛ آیا اردبیللینی افغانلی کیمی وطنداش بیلیرلر؟ البتده کی یوخ! همان محمود افغانین توره‌مه‌لری هله‌ده وار حکومت ائدیر و سیزین کیمی‌لری مانقورت ائدیب آتا آناسینا؛ دیلینه فرهنگینه مدنییه‌تینه قارشی قویوب! آیا بو جهالت و رذالت دئیل؟
۴- اسلام دینینده مسجد عبادت یئریدیر. اسلام دینین توره‌لری وار : قتل ائدن آللاه ائوینه سیغانارکان آماندا اولار؛ مسجیتده ساواش حارام‌دیر؛ یامان یووز حارام‌دیر! پس سیز هانکی اسلامدان سوز ائدیرسیز! مسجیده سیلاح‌لا گیریب ائرمنی مخالیفلرینی اولوم حددینده وورماغیزی؟!(۱۳۸۳ اینجی ایل چشمه باشی مسجدینده) میندار – میندار یامانلار و افترالار دئیب؛ او رذالته فخر ائدیب؛ پخش ائتمه گینیزی؟! البتده سیز حجتیه‌لرین مرامین جاماعات دوشونور. سیز ماسون پان ایرانیستلرین آنتی تورک پروژه سین ایره‌لی سورن مانقورتلارسیز. یوخسا دونیا اوزرینده مسلمان جیلدینده مسجدده اهانتلی داورانیش آیا اسلام دینین تخریب ائتمک دئیل؟ بئیله داورانیش آیا آنتی اسلام ماسونلارین ایسته‌گی دئیل؟! البت کی میللت دوشونور بو حرکاتین بیر سببیده اولا بیلر؛ تورک‌لری مئیدانا چکیب پزشکییانلا اوز به اوز قویماقدیر. اونا گوره کی بیر تورکون رئیس جمهور اولماغی ماسونلاریدا؛ اونلارین قوللوقچوسو اولان مانقورت و پان ایرانیست حجتیه لریده ناراحات ائدیب؛ اوتا بیلمیرلر. مدام داش دیغیرلادیب ایشینه مانع اولورلار. آما تورک میلتی بو حیله‌لری دوشونور سیزین حیله‌زه اویماق یئرینه قارشیزدا دوروبلار! و حاق یئرین تاپانا جاق دوراجاقلار.
یاشاسین آزادلیق؛ عدالت؛ میللی حکومت.
