ادتاج اتحادیه دمکراتیک ترک آذربایجان جنوبی
گادتب: سالار طاهر افشار فعال حرکت ملی آذربایجان محبوس در زندان اوین، شعری از داخل زندان سروده و فایل صوتی آن توسط نزدیکان وی منتشر شده است.
خواهر این فعال مدنی محبوس عنوان کرده است آقای طاهرافشار شعر خویش را به شهدای قیام ۱۳۸۵ آذربایجان و مرحوم آیلار حقی تقدیم نموده است.
متن کامل شعر سالار طاهرافشار:
هئچ بیلیرسن
بو قیشدا کئچهجک قاباقکی قیشلارا تای؟
آتدیم آتدیغیمیز قارانلیق کوچهلرده، قارلار ارییهجک؟
بو قیش، سن بوتیکده باهار اوچون آپ_آغ صرفهلی کوینکلر آختارارکن،
من کافهده تاخدیغیم قیرمیزی جیریق الجکلرله، باشقا بیر قیشا کوچهجهیم یالقیزجاسینا.
اوشومورم، ندن اوشویوم؟ هله تاخدیغین، اوستونده لاتینجه “دانکی” یازیلمیش قارا بورک باشیمدا.
بیلیرسن ایندی هاردایام؟ نئیلهییرم؟
هر زامان اوتوردوغوموز اوتوراجاقدا میسمیشام، غضبلی باخیشیمی یالقیز باشیما او قیرمیز رنگلی اوپ_اوجا دووار اوستوندهکی ” مین اوچ یوز اییرمی دورد دوام ائدیر ” یازیسینا تیکمیشم.
گاهداندا یوموب گوزلریمی سنی سایاقلاییرام.
آچدیقدان سونرا غئیظ دولور گوزلریمه. سیگارئتیمی دولدوروب آیاقلانیرام قاچماق ایستهییرم قارانلیق_قانلی کوچهدن،
آنجاق اللر چیخیر آسفالتین ایچیندن آیاغیمی چکیرلر اوزلرینه ساری، گوزلرینه ساری.
او ایکی مینیاتوری قیزیل گوله اوزاتیلان بارماقلارا باتان تیکانلارین بیریسی اولماق بئله، اویانیشدان سونرا بئله، ان اینجه دویغویدو منیم اوچون
ائله ایندی ده سنی سایاقلاییرام
و آختاریرام سینیق باتوملار ایچینده، نتیجهده اوغورلاییرلار گوزلریمی مین اوچ یوز هشتاد بئش قانلی آیاقلار ایزلری و اوزلریله آپاریر باشقا قانلا یازیلمیش دووارا ساری، بیر شوعارا ساری: “قانا قان جانا جان”.
بو اوزدن یئنه ده سایاقلاییرام و آختاریرام سنی قاراداغ سرحدلرینه قدر سریلمیش قیزیل گوللر ایچینده.
نهایسه، باشیمی قالدیریرام آپارتمانین باشیندا آی و اورادان عیصیانچی گوزلریمه سقوط ائلهین الی_قولو باغلی “آیلار” ، ایللر. سونوندا کابوسدان اویانیب همن اوتوراجاقدان قالخیرام، اوپ_اوجا یازیلی قیرمیزی دووارا ساری آتدیم آتیرام.
آلتیندایسا آرتیررام :
دونموشوک، یئنیدن دونموشوک قیصاص آلماغا
یئنیدن دونموشوک قیصاص آلماغا.
