قوزئی قیبریس تورک رئسپوبلیکاسینین پرئزیدئنتی سایین ارسین بی تاتاردان سایین میکائیل بی اویتایا تشکور مکتوبو- شکیل

گادتب-نین مطبوعات مرکزینه داخیل اولان معلوماتا گؤره، قوزئی قیبریس تورک رئسپوبلیکاسینین پرئزیدئنتی سایین ارسین بی تاتار گونئی آذربایجان دئموکراتیک تورک بیرلیگی (گادتب) بئین الخالق علاقه‌لر دئپارتامئنتینین صدری، آوسترالییا آذربایجان آسوسیاسییاسینین پرئزیدئنتی سایین میکائیل بی اویتایا تشکور مکتوبو گؤندریب.

قوزئی قیبریس تورک رئسپوبلیکاسینین پرئزیدئنتی سایین ارسین بی تاتار مکتوبون‌دا یازیب:

حؤرمت‌لی جناب میکائیل اویتا،

قوزئی قیبریس تورک رئسپوبلیکاسینین ایلک پرئزیدئنتی کیمی بو یاخینلاردا آوسترالییایا تاریخی سفریم زامانی گؤستردیگینیز صمیمی قبولا و قوناق پرورلییه گؤره سیزه و آوسترالییا آذربایجان‌لیلار درنه یینه تشکورومو بیلدیریرم.

چوخ مدنیتلی آوسترالییایا سفر ائتمک، مدنیتیمیزی و عادت-عنعنه‌لریمیزی قئید ائد‌ن تدبیرلرده ایشتیراک ائتمک بؤیوک ایمتیاز ایدی. دونیانین هاراسین‌دا یاشاییرلارسا یاشاسینلار، بوتون کیپر تورکلرینین پرئزیدئنتی کیمی دیاسپوروموزا چوخ ده یر وئردییمی وورغولاماق ایستییرم. سفریمین مقصدی تخمیناً ۸۰ ایل اول ایلک کیپر تورکلرینین اؤلکه‌یه گلیشین‌دن بو یانا خالقیمین حیاتین موختلیف طبقه‌لرین‌ده قازاندیغی اوغورلاری و آوسترالییانین سوسیال و اقتصادی ایستروکتورونو زنگینلش‌دیرمه‌سینی اعتراف ائتمک و اونلارا حؤرمت ائتمک ایدی.

آوسترالییانین تورک و کیپر تورکلرینین دویغولو قارشیلانماسی، همرأی‌لیک و بیرلیک ایچین‌ده تشکیل ائدیله‌ن چوخ سایلی گؤروشلر، فئستیواللار و تدبیرلر منی و نماینده هئیتینی درین‌دن تسیرلندیردی. خالقیمیزین اؤلکه‌نین موختلیف جمعیتینه علاوه ائدیلمه‌سینین و تکجه مد‌نی جهت‌دن دئییل، هم ده اؤلکه‌نین اینکیشافین‌دا موهوم تؤحفه وئردیگینین شاهیدی اولماق‌دان غرور دویوردوم.

بیر داها تشکورومو بیل‌دیریرم و اومید ائدیره‌م کی، بیز عدالت اوغرون‌دا موباریزه‌میزی داوام ائتدیردیکجه مد‌نی ارثینیزی و وطنینیزه، قوزئی قیبریس تورک رئسپوبلیکاسینا اولان سئوگینیزی، میللی آمالیمیزا صداقتینیزی اوغورلا قورویوب گله‌جک نسیللره اؤتورمه‌یه داوام ائدجکسینیز. .

دونیانین هاراسین‌دا یاشاماغیمیزدان آسیلی اولمایاراق، اورییمیز بیر کیمی دؤیونور.

بو دوشونجه‌لرله سیزه فیراوان‌لیق و گله‌جک فعالیتینیزده اوغورلار آرزولاییر، سیزی قوزئی قیبریس تورک رئسپوبلیکاسیندا گؤرمه یی صبیرسیزلیکله گؤزله ییرم.

حؤرمتله

قوزئی قیبریس تورک رئسپوبلیکاسینین پرئزیدئنتی

ارسین تاتار