ادتاج اتحادیه دمکراتیک ترک آذربایجان جنوبی
گادتب: دونن زومار آیینین 29 نجو گونونده تبریزده ده بویوک بیر چیخیش اولدو .
شوعارلار گئدیب ، توققوشمالار اولدو.
بو چیخیش کوردلرین چاغریشی ایله توش گلدیسه ده ، اوزگور بیر چیخیش ایدی .
آزربایجان هر زمان اوز سوزونو دانیشیب، اوز ایستک لرینی دیله گتیرمیش دیر، آنجاق دونن تبریزین اوخونمامیش بیر کیتاب اولدوغو بیرداها گوزه چارپدی، آچیلمایینجا اوخونمایینجا، بیلینمه ییر نه ایش گوره جک و نه وار چانتاسیندا .
بو چیخیشین چوخ بویوک قازانجلاریندان، گنج قیزلار، اوغرانلارین مئیدانی الده ائتمه لریدی ، تام آیدین ایدی بونلاردا تجروبه نین اولماماسی بویوک بیر یانلیشا یول آچدی، اودا بویویدو گاهدان ایسته نیلمه یین شوعارلار وئریلیردی .
آنجاق بونا باخمایاراق حرکتین سوزلرینین چوخو میللی حرکتین شوعارلاری ایدی .
بو چیخیش گوزله نیلمز اولدوغوندان دولایی تام آیدین ایدی بئله آخساقلیق لاری اولاجاغدی .
چوخ احتیمال بودور بو گون یا بو گونلر گئنه بئله چیخیشلار اولسون .
لوطفا میللی چیالیشانلاریمیز بو یئرلرده اولسونلار ، اویلجه مئیدانی اله آلیب شئیطانلارا بوراخماسینلار .
حتمن گئدن شوعارلار آزربایجان و میللی حرکتین ایستک لری ، چیخارلاری اوغروندا اولمالیدی .
لوطفا ، لوطفا چوخ آییق اولاق دونن کی چوخ آز گورونن یانلیشلار داها تکرار اولماسینلار .
آزادلیق عدالت ، میللی حوکومت
آزربایجان وار اولسون ایستمه ین کور اولسون
آزربایجان قیزلاری گویلرین اولدوزلاری
اورمو گولو جان وئریر مجلیس اونون قتلینه فرمان وئریر
آزربایجان میللتی ، چکنمز بو ذیللتی
نه شاه چییام نه شئخ چی میللتچی یم میللتچی
معدنلریم تالانماسین ، درد جانیما قالانماسین
بیز اولمگه حاضیریق بابکین سربازییق
دوروب باخان بئ قئیرت
لوطفا قویمایاق بو شوعارلاردان قیراق شوعارلار گئتسین اینسانلیغی دوشونسک بئله میللی حرکتین آرمانلاریندان اوزاقلاشمامالییق .
بورا گونئی آزربایجان دی سو استفاده ائتمگه کیمسه یه آلان یاراتمایاق .
بوردا کوردوستان آدی چکیلمه ملیدیر چوخ آییق اولاق بئلنجی توزاقلارا دوشمه یک .
سایین فیکیرداشلار لوطفا بویازینی گئنیش لیکله یایین .
یاشاسین آزربایجان
تبریزلی ائلچین
