ادتاج اتحادیه دمکراتیک ترک آذربایجان جنوبی
گادتب: سئویملی تۆرک میللتی حؤرمتلی آذربایجان اولوسو
۱۳۸۵ -اینجی ایلین خورداد آییندا حاقلی موباریزهمیزه یئنی قاپیلار آچیلماسینا شاهید اوْلدوق. ۹۰ – ۸۰ ایل بوْیو کیملیگیمیزه آشاغیلاییجی ایهانت لر، میللتیمیزه دۆشمان گؤزۆ ایله باخانلارا، آنا دیلیمیزه خوْر باخیشلارا دور دئدیگینیزی گؤرستدینیز. چوْخلو کندلریمیز شهرلریمیز بیرلیکده قالخدی. اساس و ایلکه حاقلاریمیزی گۆجلۆ، ساغلام و دۆزگۆن شعارلارلا، میللتیمیزه پیس باخانلارین گؤزۆنه و اۆزۆنه چیرپدیلار.
«تۆرک دیلینده مدرسه» «تۆرکون دیلی اؤلن دئییل باشقا دیل چؤنن دئییل» کیمی شعارلار، فرهنگ و آنا دیلیمیزین ایلکه سی، بۆتون تۆرکۆن میللتی چکینمز بو ذیللتی، «هارای – هارای من تورکم» کیمی شعارلار، کیملیک و میللی دۆشۆنجهنین ایلکهسی، «قیزیلدان اوْلسا قفسیم آزادلیغا وار هوهسیم»، «بیز اؤلمه یه حاضیریق بابکین سربازییق»، کیمین شعارلار حاقلی موباریزه میزین آزادلیق سئورلیگین گورونتوسو اوْلاراق دیلدن دیله، خیاواندان خیاوانا و شهردن شهره هایقیریلدی. هابئله یازیدان یازییا ، دووارلارا، درگیلر و قزئتهلرهده یاییلدی.
ایندی ۱۸ ایلدن سوْنرا اوْ آنلاری خاطیرلایاراق، آنماق ایسته ییریک. موختلف فیکیرلر و دۆشۆنجهلر بیری – بیرینه قوْوشوب، یارانمیش چئشیدلی قوروپلار فرقلی سلیقهلرله چالیشیرلار. اینترنت دۆنیاسی چوْخ سرعتله میللی دۆشۆنجهلری یایماقدا ایسه، چوْخونلوغا اۆستۆن اعتیبار وئرمکده دیر.
مدنی حاقلاریمیز و موباریزهلریمیز دۆنیالیق قوراللارا دایاناراق، اینسان سئور باخیشلارا اویغون اوْلاراق هر یئرده دانیشیلیب و یازیلیر. اله گتیردیک لریمیزین هامیسی شهیدلریمیزین قان باهاسینا میللی دۆشۆننلرین هر ساحه ده
چالیشمالاری جان و وجدان باهاسینا و نهایت ده دیرلریمیزی دوْغرو دۆزگۆن آنلایانلارین یوْل آچمالارینا باغلی دیر.
ایندی ۱۴۰۳ -اونجو ایلین خورداد آیینداییق اۆسته یازدیغیمیز، هابئله اولوسال چیخارلار و ایلکهلری اساس توتاراق مختلف قوروپلار و مختلف باخیشلاری، بیر سؤزله بیر مراملا چالیشمالارلا، ایستکلریمیزی آردیجیل قاباغا آپارمالاق عمومی هدف گؤرۆنۆر. بیرلیک ده دیریلیک وارسا دیریلیکده بیرلیک اوْلمالیدی دیر.
آنا دیلیمیزده مدرسه و بیلیم یورد یاراتمالییق. گۆجلۆ اقتصادلا، ریفاه و وارلیق میللتیمیزه وئرهجهییک. چئوره و دوْغامیزی اؤزللیکله اورمو گؤلۆنۆ دیری ساخلایاجاییق. بابکین قالالارینی یئنی دن قالایاجاییق. توْرپاقلاریمیزی، اکینهجک یئرلریمیزی داها بارلی ائدهجهییک. قادین، کیشی، گنج، قوْجا، ایشچی، معلم و هامی هامیلیغا آذربایجان آزادلیق و آبادلیق یوْلوندا چالیشاجاییق، بو قدر گؤرهو و گؤرۆلهسی ایش واریمیز. بؤیۆک وظیفه لر اوْلاراق گئجه گۆندۆز تر تؤکمه لییک.
اینانیریق بیز میللتچیییک و آذربایجانیمیزا جان و ویجدانلا چالیشماق میللی بوْرجوموزدور.
«ال – اله قوْل – قوْلا آذربایجان»
محمود اوجاقلو
مرتضی پروین
ائوین زیندانی
