ادتاج اتحادیه دمکراتیک ترک آذربایجان جنوبی
گادتب: مشکین شهر (خیاو) آغ دره میس معدنی قارشیسندا اطراف کند اهالیسی اعتراض ائدیر.
بیر نئچه گون اؤنجه معدن پارتلامالاری نتیجه‌سینده بعضی اهالی‌نین ائولری خسارت آلیب.
آیریجا اهالی دئییرلر معدن منطقه‌نین یاشام چئوره‌سینه (محیط زیست) جیددی زیان وئریر اما نتیجه‌سینده منطقه‌یه هئچ بیر خئیری یوخدور.
اوزون زاماندان بری آزربایجان اهالیسی آزربایجان معدنلری‌نین تالان ائدیلیب فارس بؤلگه‌لرینه داشینماسی و بونون قارشیلیغیندا آزربایجانا یاشام چئوره‌سی تخریباتی و خسته‌لیکلردن باشقا هئچ نه قالمادیغی حاققیندا اعتراض ائدیرلر.
همین اعتراضدا جواد اسماعیل زاده آدلی شخص ده مامورلار طرفیندن یاخالانیب. نتیجه ده اهالی مشگینین کلانتری 11-ی قارشیسیندا یئنیدن اعتراض اکسیاسی کئچیریبلر.
