ادتاج اتحادیه دمکراتیک ترک آذربایجان جنوبی
گادتب: تبریز ادبی محیطینین تانینمیش شاعری معصومخانیم جبارپور اورهک اینفارکتی سببیندن بوگون آبان آیینین ایگیرمینجی گونو یاشادیغی تبریز شهرینده گؤزلنیلمهدن حیاتلا وداعلاشمیشدیر.
معصومخانیم جبارپور فارس ادبیاتیندان آزربایجان تورکجهسینه اوز گتیرن شاعرلریمیزدنایدی. ایلک شعرلری داها آرتیق فارس دیلینده اولماغینا رغما، ۱۳۹۵-نجی ایل «قار آدام» و ۱۳۹۶نجی ایل «من یاساقلاری سیندیردیم» عنوانلی ایکی شعر توپلوسونو آذربایجان ادبی جمعیتینه تقدیم ائتمیشدیر. او عصیان شعرلری ایله آزربایجان ادبی اجتماعیاتیندا اؤزونه مخصوص مؤوقع قازانان و اؤزو دئمیشکن شعرده «یاساقلاری سیندیران» و جسارتله کیشی محور عنعنهنین سرحدلرینی پوزان بیر شاعر ایدی.
روحو شاد
