ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، مکزیکانین آوسترالییاداکی سفیری ائدواردو رئنا هاللئر آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیینین (گادتب) بئین الخالق علاقهلر دئپارتامئنتینین صدری سایین میکاییل بی اویتایا تشکور مکتوبو عنوانلاییب.
مکتوبون بیر حیسهسینده یازیلیب: «بو یاخینلاردا آذربایجان رئسپوبلیکاسینین میللی گونونده گؤروشوموز زامانی سیزینله گؤروشمک فورصتینه گؤره صمیمی ممنونلوغومو و میننتدارلیغیمی بیلدیرمک اوچون یازیرام.
آوسترالییا آذربایجانلیلاری آسوسیاسییاسی، سیزین و تشکیلاتینیزین گؤردویو ده یرلی ایش حاقیندا معلومات آلماق چوخ خوش ایدی. اینانیرام کی، قوروملار آراسیندا محکم علاقهلرین گوجلندیریلمهسی مدنی آنلاشمانین و امکداشلیغین تشویقینده چوخ واجیبدیر.
مکزیکانین آوسترالییاداکی سفیرلیینین آوسترالییاداکی موختلیف تشکیلاتلارلا دوستلوق علاقهلرینین و امکداشلیغین گوجلندیریلمهسینه صادق اولدوغونو سیزه بیلدیرمکدن ممنونام. امینم کی، بیزیم اینستیتوتلاریمیزین قارشیلیقلی فایدا اوچون بیرگه ایشلهیه بیله جع یی بیر نئچه ساحه وار.
بیلین کی، سفیرلییمیز امکداشلیغین پوتئنسیال یوللارینی آراشدیرماق، معلومات مبادیلهسی آپارماق و بیرگه تشببوثلر تشکیل ائتمک اوچون سیزین ایختیارینیزدادیر. اؤلکهلریمیز آراسیندا علاقهلرین محکملهنمهسینه تؤحفه وئره بیلهجک هر هانسی قارشیلیقلی علاقهلری و یا طرفداشلیغی آسانلاشدیرماق بیزیم اوچون چوخ خوش اولاردی.
من اینستیتوتلاریمیز آراسیندا مدنی، تحصیل و اقتصادی مبادیلهلری تشویق ائتمک اوچون گلهجک موذاکیرهلرین و یوللارین تاپیلماسینین مومکونلویونو صبیرسیزلیکله گؤزله ییرم».
مکتوبون اینگیلیسجه تام متنینی تقدیم ائدیریک:
