ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیگینین (گادتب) بئین الخالق علاقهلر دئپارتامئنتینین صدری سایین میکائیل بی اویتا جناب الهام علیئوین آذربایجانین ظفر سئچکیسینده غلبهسی موناسیبتی ایله تبریک مکتوبو عنوانلاییب. مکتوبو اولدوغو کیمی تقدیم ائدیریک:
آذربایجانین ظفر سئچکیسینده جناب الهام علیئوی غلبه موناسیبتیله تبریک ائدیریک
آوسترالییا آذربایجان آسوسیاسییاسی و آوسترالییادا یاشایان آذربایجانلیلار آدیندان آذربایجان رئسپوبلیکاسیندا کئچیریلهن پرئزیدئنت سئچکیلرینده جناب الهام علیئوی قازاندیغی غلبه موناسیبتیله تبریک ائدیرم.
اینانیرام کی، ۷ فئورال ۲۰۲۴-جو ایل تاریخینده کئچیریلن پرئزیدئنت سئچکیلری ۵۵ میلیون آذربایجانلی اوچون اوغورلو و خئییرلی اولاجاق.
جناب الهام علیئو اؤز پرئزیدئنتلیگی دؤورونده بؤیوک نائیلیتلره ایمضا آتمیش، ۳۰ ایل ایشغالدا اولان آذربایجان اراضیلرینی آزاد ائدرک، قاراباغین فاتحی کیمی تاریخه دوشموشدور. صرف مظفر عالی باش کوماندانین رهبرلیگی آلتیندا آذربایجان اؤز اراضی بوتؤولویو و سووئرئنلیگینی برقرار ائتدی. جناب الهام علیئوین رهبرلیگی آلتیندا آذربایجان اینکیشاف ائدرک تاریخینین اقتصادی و حربی جهتدن ان گوجلو دؤورونو یاشادی.
جناب الهام علیئو یئریتدیی خاریجی و داخیلی سیاستله دونیایا تورکیه ایله «بیر میللت، ایکی دؤولت» شعاری آلتیندا گوجلو بیرلیک و همرأیلیک میدانا قویدو.
بوتون بو نائیلیتلردن سونرا آذربایجانین پرئزیدئنتی میللی اقتصادیاتین داها دا اینکیشاف ائتدیریلمهسینه دقت یئتیرهرک، آذربایجانین دونیادا داها گوجلو دؤولته چئویرجه یی شوبههسیزدیر.
سؤزسوز کی، بو و دیگر نائیلیتلرین داوامیندا جناب الهام علیئوین پرئزیدئنتلیگینین قوزئیلی-گونئیلی ۵۵ میولیون آذربایجانلی اوچون بؤیوک اوغورلار گتیره جه یینه اینانیریق.
کئچیریلهن سون ظفر سئچکیسینده جناب الهام علیئوین غلبهسینی تبریک ائدیب و مظفر عالی باش کوماندانین رهبرلیگی آلتیندا آذربایجانا یئنی-یئنی نائیلیتلر آرزو ائدیریک.
درین حؤرمتله،
میکائیل اویتا
آوسترالییا آذربایجان آسوسیاسییاسی پرئزیدئنتی
