ادتاج اتحادیه دمکراتیک ترک آذربایجان جنوبی
گادتب: ١٣٢۴- ١٣٢۵ جی هجری شمسی، بیر ایللیک «آزادلیق، عدالت، ملّی‌حکومت»ایلی ایدی.
سید جعفر پیشه‌وری اؤندرلیگی ایله یارانان بو بیر ایلدن سونرا، آذربایجان تام معنادا اسارت، سورگونلوک و کؤله‌لیک دوروموندا یاشادی…!
آمما بو بیر ایل، آذربایجانلیلارا باشی اوجا یاشامانی اؤیرتدی!
مکتب، مدرسه و بیلیم یوردو-ندا (دانشگاه دا) تحمیل اولموش فارس دیلی یئرینه دوغما تورک دیلیمیزده درسلر اوخونماغا باشلاندی؛ یاساق و قدغن اولان دیلیمیزین «شاعیرلر مجلسی» قورلدو، کلمه‌لری دیلیمیزده دولانمایان فارس دیلی یئرینه محکمه، اداره و مطبوعاتیمیزین رسمی دیلی، آنا دیلیمیز اولدو.
دوزگون و معیار تورک دیلیمیزده رادیوموز ایشه باشلادی و هر بیر علامت، تابلو و نشانه یابانجی و باشا دوشمه دیگیمیز اؤزگه دیلده یوخ، اؤز دوغما دیلیمیزده بیزله دانیشدی!
او بیر ایلده چوخلو کارخانا، خسته‌خانا، شهر و کند مکتبلری تیکیلمه‌یه باشلادی و شهرلریمیزین خیابانلاری آسفالت اولوب، کوچه لرینه داش دؤشندی.
او بیر ایلده، ایگیرمی ایلین ایشی گؤرولدو، آخی
«اؤز اَلیمیز، اؤز باشیمیز» ایدی….!
«حسن راشدی»
