ادتاج اتحادیه دمکراتیک ترک آذربایجان جنوبی
گادتب: چاناققالا ظفرینین ۱۱۰-جو ایلدؤنومون‌ده مئرسین اونیوئرسیتئتینین رئکتورو پرفسور دکتر اراول یاشارین رهبرلیگی ایله حیاتا کئچیریله‌ن لاییحه چرچیوه‌سین‌ده چاناققالا شهیدلرینین نوه‌لری علاء الدین دؤلئک، وکیل آیشه دوغان، قایه نور کالای، آلانور سارییه سؤیلئر، لاییحه‌نین کووردیناتورو کورای گیدیریشلی اوغلو تحصیل کووردیناتورو فیلیز آتیللا آنزاک عسگرلرینین نوه‌لری ایله بیر آرایا گلیب. لاییحه‌نی سیدنئی‌ده قاضیلر درنه یی تورکیه بؤلمه‌سینین پرئزیدئنتی محمت ائوین تشکیل ائدیب. تدبیرین کووردیناسییاسینی آوسترالییانین ان بؤیوک مسجیدی اولان گئلیبولو شهرجیگینین مسجیدی، پروقرامین گئلیبولو مسجیدی دین مأمورو عبدالحلیم ائرکوچ اؤز اوزرینه گؤتوردو.
گئلیبولو مسجیدی شهرجیگین‌ده باش توتان پروقرام‌دا سیدنئی کونسولو، آوسترالییانین تقاعودچو پارلامئنت عضولری، یئرلی شورالار، کورئیا محاربه‌سی وئتئرانلاری، وطنداش جمعیتی تشکیلاتلاری، یئرلی و خاریجی قوناقلار ایشتیراک ائدیبلر. سیدنئی باش کونسولو بئلگین ائرگونئش چیخیشین‌دا کئچمیشین آغری‌سینی اونوتمادان صلح و قارداشلیق ایچین‌ده یاشاماغا اؤنم وئردیکلرینی بیلدیریب. «بو معنالی گون‌ده وطنیمیزی قورویارکن شهید اولان محمتچیکلریمیزی و چاناققالادا حیاتینی ایتیره‌ن بوتون آنزاک عسگرلرینی درین احتیراملا یاد ائدیره‌م».
آوسترالییانین ان بؤیوک مسجیدی اولان گئلیبولو مسجیدینین دین مأمورو عبدالحلیم ائرکوچ آوسترالییانین یئرلی مطبوعاتینا آچیقلاماسین‌دا بونلاری دئییب:
«گئلیبولو دؤیوشو عثمانلی ایمپئرییاسی ایله موتتفیق دؤولتلر آراسین‌دا ۱۹۱۵-۱۹۱۶-جی ایللر آراسین‌دا گئدن دنیز و قورو محاربه‌سینین آدی‌دیر.
سئددولباهیر، آریبورنو، جونکباییری، زیغیندره کیمی بیر چوخ یئرده قارشی‌دورمالار اولوب. سنگرلر آراسی مصافه‌نین ۸ مئتر اولدوغو و هر کوادرات مئتره ۶ مین گول له دوشن یئرده دؤیوش زامانی تورک و آنزاک عسگرلرینین بیر-بیرلرینه ارزاق و تعجی لی یاردیم گؤندرمه حکایه‌سی یاشاندی.
دؤیوشه ارا وئره‌ن‌ده بو فاصیله‌لرده وطنه، حیات یولداشینا، اؤولادلارینا حسرت ماهنی‌سینی اوخویان عسگرلرین محتشم حکایه‌لری و بو قریبه محاربه‌دن دوغان ماراق‌لی دوستلوقلاری یاران‌دی.
آنزاک عسگرلرینین تورک میللتینین قلبین‌ده خصوصی یئری وار ایدی. تورک عسگرلرینین ده آوسترالییا آنزاک عسگرلرینین قلبین‌ده خصوصی یئری وار ایدی.
کیم بیلیردی کی، بو محاربه قیریلماز دوستلوق کؤرپولرینه سبب اولاجاق؟
موصاحیبه‌یه داوام ائد‌ن ائرکوچ، مصطفی کمال آتاتورکون ۱۹۳۴-جو ایلده ۱۸ مارت چاناققالا ظفرینین ایلدؤنومون‌ده اوخوماسی اوچون داخیلی ایشلر ناظری شوکرو بیه وئردیگی متن‌ده آشاغی‌داکیلارین یازیلدیغینی سؤیله‌دی:
«بو وطن تورپاغین‌دا قان تؤکه‌ن قهرمانلار…
حضور و امین-آمان‌لیق ایچین‌ده یاتین. سیز محمتچیکله (تورک عسگرلری) یان-یاناسینیز. اوزاق دیارلاردان اؤولادلارینی دؤیوشه گؤندره‌ن آنالار، گؤز یاشلارینیزی ساخلایین. اؤولادلارینیز بیزیم قوینوموزدادیر. اونلار راحاتدیرلار و راحت یاتاجاقلار. اونلار بو تورپاق‌دا جانلارینی ایتیره‌ن‌دن سونرا بیزیم اؤولادلاریمیز اولدولار».
ائرکوچ آوسترالییا مطبوعاتین‌دا درج اولونماق اوچون معلم کورای گیدیریشلی اوغلو و حقوقشوناس آیشه دوغانل‌دان موصاحیبه گؤتوروب.
گئلیبولو مسجیدینین هئیأتین‌ده‌کی پروقرام‌دان سونرا آوسترالییا اورکئسترینین مشایعتی ایله یوروش کئچیریلیب. محاربه مئموریالین‌داکی تورک دوستلوق دیوارینا اکلیللر قویول‌دو. قیسا چیخیشلارلا گونون معناسی و اهمیتینه توخونول‌دو.
پروقرام‌دا لاییحه‌نین اؤنجولو مئرسین اونیوئرسیتئتی‌دیر. لاییحه‌ده امه یی اولان رئکتور ائرول یاشار، مئرسین گله‌جک پلاتفورماسینین پرئزیدئنتی حسن گئزئر، موت پئشه مکتبینین دیرئکتورو کورای گیدیریشلی اوغلو، تورک دؤیوش قاضیلری درنه یی باشچی‌سی محمت ائوین، دیانت مأمورو عبدالحلیم ائرکوچ، چاناققالا شهیدلرینین نوه‌لری و آنزاک نوه‌لرینه تشکور ائدیلدی.
پروقرام، گئلیبولو مسجیدی دین مأمورو عبدالحلیم ائرکوچون آبورون تورک دوست‌لوغو آنیت دیوارین‌دا باش‌دا آنافارتالار قروپو کومان‌دیری قاضی مصطفی کمال آتاتورک و سلاحداشلاری اولماقلا بوتون شهیدلرین روحونا دعا اوخوماسی ایله سونا چاتدی.
مراسیم‌ده تورکییه‌نین باش کونسولو و آوسترالییا باش کونسولو دئنیز موره، شیمالی کیپر درنه یینین پرئزیدئنتی موگه هانیم و گونئی آذربایجان دئموکراتیک تورک بیرلیینین بئین الخالق دئپارتامنتینین صدری میکاییل اویتا قالاپولی مسجیدین‌ده دوستلوق آغاجی اکدیلر.
https://www.youtube.com/shorts/0wQv96_h1vc
https://www.youtube.com/shorts/HV1fsfIPAEY
