ادتاج اتحادیه دمکراتیک ترک آذربایجان جنوبی
گادتب: گادتب بئین الخالق علاقهلر دئپارتامئنتی ایران مولا رئژیمینین آذربایجان و تورکیهیه قارشی سسلندیردیگی ایفادهلهلرله باغلی بیلدیریش یاییب. بیلدیریشی اولدوغو کیمی تقدیم ائدیریک:
ایران موللا لیدئری خامنه ای نین نمایندهسی و اردبیلین ایمام جمعهسی موللا حسن جبل عاملینین ساتقین مداحلارین دیلیندن سسلندیردیگی چیرکین سؤزلر یالنیز اؤزلرینه لاییق اولان ایفادهلردیر. بو چیرکین ایفادهلرین آذربایجانیمیزین فاتح پرئزیدئنتی و آتا یوردوموز تورکیهیه قارشی سسلندیریلمهسینین بیر سببی وار – بو دا ایرانین تئررورچو موللا-فارس رئژیمینین ضعیفلهمهسی و داغیلماقدا اولماسیدیر. موللا رئژیمی بو سببدن ده هر طرفه چیرکین لکهلر آتماقلا اؤز بوشلوقلارینی اؤرت-باسدیر ائتمهیه چالیشیر.
البته کی، بو چیرکین سؤزلر و تؤرتدیکلری جینایتلره گؤره گونئی آذربایجانین ایستیقلالی دؤورونده قورولاجاق عدالت محکمهسینده جاواب وئرمهلی و گؤردوکلری جینایتلره گؤره جزالاناجاقلار. تاریخی گؤرمهیهن و اوندان درس آلمایانلار جزایا محکومدورلار.
بیز، گونئی آذربایجان دئموکراتیک تورک بیرلیگی اولاراق، هئچ زامان آذربایجان دؤولتی و میللتیمیزه قارشی بئله حرکتلری باغیشلامایاجاغیق. بو چیرکین عمللرین جاوابینی موطلق ۵۵ میلیون آذربایجانلی، خصوصاً ۴۰ میلیون گونئی آذربایجان تورکو وئرهجکدیر.
وار اولسون آذربایجانیمیزین دؤولتی، باشدا غالیب و فاتح پرئزیدئنتیمیز، حؤرمتلی جناب ایلهام علیئو!
حؤرمتله،
میکائیل اویتا
گونئی آذربایجان دئموکراتیک تورک بیرلیگینین
بئین الخالق علاقهلر دئپارتامئنتینین صدری
