ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگی (گادتب) باشقانی سایین اژدر بی تاغیزاده «آرب۲۴ تی یو»-ده «پزشکیان آنا دیلینده دانیشیب خبردارلیق آلدی» موضوعسوندا چیخیش ائدیب.
سایین اژدر بی تاغیزاده همین پروقرامدا چیخیشیندا پزشکیانین شهریارین شعریندن ایکی بندی اوخوماسینا ایرقچی فارس رئژیمین دؤزمهمهسی، پزشکیانین ایسه خصوصیله آذربایجانلا باغلی وئردیگی سؤزلرین هئچ بیرینی توتا بیلمهمهسی، اورمییا گؤلونون قورودولماسینا و آذربایجان معدنلرینین تالانماسینا مانع اولا بیلمهمهسی، تورک دیلینده تحصیل وعدینه عمل ائده بیلمهمهسی، پزشکیانین ویلایتلره خصوصی یئتکیلرین وئریلمهسی سؤزونو دئمهسی و اونا ایرقچی فارسلاردان هوجومون ائدیلمهسی و سایر مسئلهلری دانیشمیشدیر.
سایین اژدر بیین چیخیشینین ویدئوسونا بورادان باخا بیلرسینیز:
