ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگی (گادتب)، گونئی آذربایجان ایستیقلال‌چیلار بیرلیگی باشقانی سایین اژدر بی تاغیزاده «پرایم تی وی»-ده «ایران ائرمنیستانا ۵۰۰ میلیونلوق سلاح وئریب؟» موضوعسون‌دا چیخیش ائدیب.
سایین اژدر بی تاغیزاده همین پروقرام‌دا چیخیشین‌دا همچینین ایرانین تکجه ائرمنیستانا سلاح یاردیمی دئییل هم ده کشفیات، تعلیم و سایر مسئله‌لرده ده یاردیم ائتمه‌سی، تئهران رئژیمینین تکجه هیندیستانین سلاحلارینی ائرمنیستانا چاتدیرماقلا کیفایتلنمه‌ییب هم ده اؤزونون ده موختلیف پوآلار و سایر سلاحلاری ائرمنیستانا وئرمه‌سی، موللا رئژیمین آذربایجان شاعری نظامی گنجوینی اؤز شاعرلری کیمی تقدیم ائتمه‌یه چالیشماسی، پزشکیانین ایرانی قوروماق اوچون پرئزیدئنت‌لییه نامیزد اولماسی و سایر مسئله‌لردن دانیشیب.
سایین اژدر بیین چیخیشینین ویدئوسونا باخا بیلرسینیز: https://www.youtube.com/watch?v=cACy_twikhM&t=2109s
