ادتاج اتحادیه دمکراتیک ترک آذربایجان جنوبی
گادتب: 24 اییون آذربایجاندا خالق حرکاتینین لیدئری، آذربایجانین ایلک دئموکراتیک یوللا سئچیلمیش پرئزیدئنتی ابوالفضل ائلچیبی ین دوغوم گونودور.
گؤرکملی شخصیت، کئچمیش پرئزیدئنت ابوالفضل ائلچیبی آذربایجان میللی آزادلیق حرکاتینین لیدئری اولماقلا یاناشی، بوتوو آذربایجان ایدئیاسینین باشیندا دایانان قوزئی و گونئی آزربایجانین میللی اویانیشی و بوتؤو آذربایجان ایدئیاسینین یاییلماسیندا موستثنا خیدمتلری اولان تاریخی شخصیتدیر. اونون ان اساس فرقلندیریجی اؤزللیگی تام صداقت و صمیمیتله بوتوو آذربایجان ایدئیاسینا قوللوق ائتمهسی و گونئی آذربایجانی بوتؤو آزربایجانین و تورک دونیاسینین آچاری کیمی سجیلندیرمهسی ایدی.
موستقیل آزربایجانین آذربایجان خالق جمهوریتینین داوامی اولاراق دؤولت رمزلرینی معیینلشدیرن، آزربایجانین بوتؤولشمهسی اوغروندا حرکاتین ایستیقامتینی معیین ائدن ائلچیبی آذربایجان تورک میللتینین ابدی لیدئری اولاراق قالاجاق. گونئی آزربایجانین اسارتدن قوتولماسی ایدئیاسینی گوندمه گتیرن ایلک رسمی شخص کیمی تاریخه دوشن ائلچیبی بوتون آذربایجانلیلارین فیکیر و دوشونجه آتاسی کیمی هر زامان قلبلرده یاشایاجاق.
بو گون بو داهی شخصیتین آنیم گونودور. ابوالفضل ائلچیبی (ابوالفضل قدیرقولو اوغلو علییئو) 24 اییون 1938-جی ایلده ناخچیوان موختار رئسپوبلیکاسینین اوردوباد رایونونون کله کی کندینده آنادان اولوب. گونئی آذربایجان دئموکراتیک تورک بیرلیگی (گادتب) گونئی آزربایجانین ایستیقلالی و بوتؤو آزربایجانین یارانماسیندا ائلچیبی یولونو و ایدئیالارینی داوام ائتدیریر و بو پرینسیپلره هر زامان صادقلیک نوماییش ائتدیرهجک.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی
