جمعه , مارس 29 2024
azfa

گادتب باشقانی سایین اژدر تاغیزاده‌نین 29 اوکتیابر- تورکیه‌نین جمهوریت بایرامی موناسیبتیله تبریک مئساژی

گادتب: بو گون 29 اوکتیابر دونیا تورکلری‌نین اومید یئری – تورکیه‌نین جمهوریت بایرامیدیر. بو ایل آتاتورکون اعلان ائتدیگی جمهوریتین اعلانین‌دان 98 ایل اؤتور. دونیانین بؤیوک دؤولت‌لری‌نین عثمانلی دؤولتینه هر طرفدن هوجوما کئچمه‌سی بیرینجی دونیا محاربه‌سینده بؤیوک تورک دؤولتی‌نین بؤیوک حیسه‌سی‌نین ایشغا‌لی ایله نتیجه لنمیشدی. لاکین مصطفی کمال آتاتورکون اؤندرلیگینده 1919-جو ایله مایین 19-دا میللی قورتولوش ساواشی باشلاندی. تورکیه دؤولتی‌نین بانی‌سی مصطفی کمال آتاتورکون اؤندرلیگی ایله تورکیه‌ده تورک میللتی‌نین میللی موجادیله‌سی‌نین نتیجه‌سی اولا‌راق 1923-جو ایل اوکتیابرین 29-دا ایندیکی تورکیه جمهوریتی اعلان اولوندو. میلیون‌لارلا تورکون قانی باهاسی ایله یارانان جمهوریت بایرامی تاریخین ان آغیر سیناق‌لارین‌دان کئچمیش بیر میللی ظفردیر. بوتون دونیانین دوشمن چابا‌لارینا قارشی یئنی تورکیه‌نین یارانماسی تورک اینسانینین ایراده‌سینی اورتایا قویموش اولدو. بؤیوک آتاتورکون اؤندرلیگینده جمهورییتین اعلان اولونماسی بؤیوک دایانیشمانین، گرگین دیرنیشین ان گؤزل نومونه‌سی‌دیر.

تورک دونیاسینین بؤیوک دؤولتی و تورک‌لرین اومید یئری- تورکیه‌نین جومهوریت بایرامینی تکجه تورکیه‌نین دئییل، بوتون دونیا تورک‌لری‌نین بایرامی‌دیر. گونئی آذربایجان دئموکراتیک تورک بیرلیگی (گادتب) بو بایرام موناسیبتیله تورکیه دؤولتینی، تورک میللتینی و عمومیتله تورک دونیاسینی تبریک ائدیب و تورکیه‌نین داها دا گوجلنمه‌سینی آرزو ائدیر. جومهیریت گونون موبا‌رک تورکییه!

اژدر تاغیزاده

گونئی آذربایجان دئموکراتیک تورک بیرلیگی‌نین (گادتب) باشقانی

دوباره امتحان کنید

ترکیه ششمین کشور برتر اروپا در فروش خودروهای برقی است

گادتب: ترکیه در عرصه فروش خودروهای برقی پس از برخی از کشورهای اتحادیه اروپا در …

مرگ مشکوک سارا تبریزی پس از احضار به اطلاعات

گادتب: به گزارش مرکز گادتب، سارا تبریزی ۲۰ ساله ۴ فروردین به وزارت اطلاعات احضار …