ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، بو گون 2019-جو ایل مارت آیینین 31-ده گونئی آذربایجان دموکراتیک تورک بیرلیگی (گادتب) بئین الخالق علاقه‌لر دئپارتامئنتی‌نین صدری سایین میکاییل بَی اویتا و گادتب مالیه دئپارتامئنتی‌نین صدری سایین سیما خانیم آوسترالیانین سیدنئی شهرینده کئچیریلن شرقی تورکوستان اویغور تورکلرینین کولتور فئستیوالیندا ایشتیراک ائدیب‌لر.
گادتب رسمیلری سایین میکاییل بَی اویتا و سیما خانیم گادتب و اؤز آدلاریندان چینین جینایتکار رئژیمینین ایشغا‌لی آلتیندا اولان شرقی تورکوستان اویغور تورکلرینین حاقلی موجادیله‌سینی حمایه ائدیب، چینین گونوموزده بئله اویغور تورکلرینه قارشی سوقیریمی سیاستی حیاتا کئچیرمه‌سینی پیسله میش‌لر.
غربت دیاردا سایین میکاییل اویتا و سیما خانیمین شرقی تورکوستان اویغور تورکلرینین کولتور فئستیوالیندا ایشتیراکی اونو گؤستردی کی، تورکون تورکدن باشقا دوستو یوخدور.
فئستیوال چرچیوه‌سینده سایین میکاییل اویتا آوسترالیا اویغور آسوساسیاسینین پرئزیدئنتی محمت اوبوللا جینایتکار و ایشغالچی چین رئژیمینین شرقی تورکوستان اویغور تورکلرینه ظلمو و اویغور تورکلرینین چین ایشغالیندا وضعیتی باره‌ده اینگیلیس دیلینده موصاحیبه ائدیب‌لر. همین موصاحیبه‌نین ویدئوسونو تقدیم ائدیریک:
