گادتب: ایرانین ایرقچی فارس-موللا رئژیمی آرتیق آذربایجانلی فعاللاری حبس و ایشگنجه ائتمکله کیفایتلنمیر، اؤزونون ییرتیجی و تئررورچو ماهیتینی ده بروزه وئرمهیه باشلامیشدیر. بو ایستیقامتده ایشغالچی ایران رئژیمینین اطلاعات مامورلاری ایکی گون اؤنجه یانوارین 13-ده تانینمیش آذربایجانلی میللی فعال و ایدمانچی کریم ایسماعیلزاده نی (کریم بوکسور) تبریزده تئررور ائدیب.
ایرانین اطلاعات قوهلری مولکی گئییمده بو مقصدله تبریزین قاراملیک محلهسینده آذربایجانلی فعالین آوتوموبیلینی دایاندیریب و اونون سول قولونا نامعلوم منشألی زهرله ییجی ایینه ووروبلار. نتیجهده کریم ایسماعیلزادهنین قان تضییقی کسکین آرتیب و او قان آخما نتیجهسینده هوشونو ایتیریب. اطرافدا اولان اینسانلار آذربایجانلی میللی فعالی تبریزده خستهخانایا چاتدیریبلار.
گؤروندوگو کیمی ایران رئژیمی آرتیق اؤزونون تئررورچو ماهیتینی گیزلتمهدن آچیق شکیلده آذربایجان تورک میللتینین فعاللارینا قارشی تئررورا کئچیب. آنجاق ایشغالچی ایران رئژیمی اونوتمامالیدیر کی، تئررورچی ایران رئژیمینین بو عمللرینین جاوابی آغیر اولاجاق و آذربایجان تورک میللتینین بونا لایقلی جاوابی وئره جک.
گونئی آذربایجان دئموکراتیک تورک بیرلیگی (گادتب) ایرانین ایرقچی و ایشغالچی موللا رئژیمینه آذربایجان تورک میللتینین فعاللارینا قارشی تؤرتدیگی تئررورلارلا باغلی خبردارلیق ائدیب و بیلدیریر کی، رئژیمین بو تئررور عمللری هئچ بیر نتیجه وئرمهیهجک. آرتیق آذربایجان تورک میللتی رئژیمین بو ایرنج و تئررورچو ماهیتینی باشا دوشور و اؤز ایستیقلالی اوغروندا مباریزهدن بیر آددیم گئری آتمایاجاق.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی