ادتاج اتحادیه دمکراتیک ترک آذربایجان جنوبی
گادتب: گونئی آذربایجان دئموکراتیک تورک بیرلیگی (گادتب) آذربایجان میللی علملر آکادئمیاسینین عالیمی، آذربایجان میللی حکومتی تاریخی‌نین آراشدیریجی‌سی، گونئیلی عالیم اکرم معلم رحیملینین وفاتی موناسیبتیله باش ساغلیغی مئساژی یاییب.
گادتب-نین باش ساغلیغی مئساژینین بیر حیسه‌سینده دئییلیر: “اصلاً گونئی آزربایجانین مرند شهرین‌دن اولان، آذربایجان میللی حکومتی و اونون بانی‌سی سید جعفر پیشه وری‌نین حیاتی و یارادیجی‌لیغینین آراشدیریجی‌لارین‌دان اولان ده یرلی عالیم اکرم رحیم اوغلو بیژه وفات ائتمیش‌دیر. آذربایجان میللی حکومتی و عمومیتله گونئی آزربایجانین معاصر تاریخینه دایر چوخسایلی اثرلرین مؤلفی اولان اکرم رحیملینین وفاتی او تایلی- بو تایلی آزربایجانین علمینه بؤیوک ایتکی‌دیر.
گونئی آذربایجان دئموکراتیک تورک بیرلیگی (گادتب) اکرم رحیملینین وفاتینی قوزئی و گونئی آذربایجان اوچون بؤیوک ایتکی حساب ائدیب و بو موناسیبتله اکرم معلم رحیملینین عائله‌سی، یاخین‌لاری و مسلکداش‌لارینا درین حوزنله باش ساغلیغی وئریر.
روحو شاد اولسون!
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی
