ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آذربایجان اوردوسونون ۲۴ ساعت مدتینه ائرمنیستانین آذربایجانین قاراباغ بؤلگهسینده ساخلادیغی ائرمنی تئررورچولارا قارشی آنتی-تئررور تدبیرلریندن سونرا آرتیق ائرمنی تئررورچولارینین قورومو اؤزونو لغو ائتدی و آذربایجان تورکلرینه قارشی تئررور و جینایت تؤردن ائرمنی تئررورچولاری بیر-بیر آذربایجان طرفیندن یاخالانیر.
سون اولاراق آذربایجان دؤولت تهلوکهسیزلیک خیدمتینین امکداشلاری قاراباغدا سئپاراتچیلارین کئچمیش اوزدن ایراق «پرئزیدئنتی» آرائیک آروتیونیانی، ائلجه ده کئچمیش دیگر «پرئزیدئنت»لری آرکادی قوکاسیان (۱۹۹۷-۲۰۰۷) و باکو سااکیان (۲۰۰۷-۲۰۲۰)، «داشناکسوتیون» پارتییاسینین «قاراباغ تمثیلچیسی» و سئپاراتچی رئژیمین کئچمیش پارلامئنت صدری داوید ایشخانیان تؤرتدیکلری جینایت عمللرینه گؤره بارهلرینده آپاریلان جینایت ایشلری اوزره آذربایجان رئسپوبلیکاسی دؤولت تهلوکهسیزلیگی خیدمتی طرفیندن ساخلانیلاراق، باکییا گتیریلیبلر. بو ایسه آذربایجانین ان بؤیوک اوغورلاریندان بیری حساب ائدیلیر. مظفر عالی باش کوماندان جناب ایلهام علیئوین و آذربایجان اوردوسونون آذربایجان میللتینه یاشاتدیغی بو غلبه آذربایجان میللتینین بؤیوک سئوینجینه سبب اولوب.
گونئی آذربایجان دئموکراتیک تورک بیرلیگی (گادتب) بو محتشم اوغور و حاق-عدالتین اؤز یئرینی تاپماسی موناسیبتیله مظفر عالی باش کوماندان جناب ایلهام علیئوی، آذربایجان دؤولتی و آذربایجان تورک میللتینی اورکدن تبریک ائدیر.
اژدر تاغیزاده
گونئی آذربایجان دئموکراتیک تورک بیرلیگی (گادتب)
