گادتب: 22 آوقوست آذربایجان میللی آزادلیق حرکاتینین لیدئری، بوتوو آذربایجان ایدئیاسینین بانیسی، بؤیوک شخصیت و آزربایجانین کئچمیش پرئزیدئنتی ابوالفضل ائلچی بیین وفاتینین ایل دؤنومودور.
ابوالفضل ائلچی بیین قوزئی و گونئی آزربایجانین میللی اویانیشی و بوتؤو آذربایجان ایدئیاسینین یاییلماسیندا مستثنا خیدمتلری اولموشدور. اساساً ایکییه بؤلونموش آزربایجانین قوزئیی و گونئیی تئرمینلری ده بو داهی آذربایجان شخصیتینه خاص تئرمینلردیر.
ابوالفضل ائلچی بیین ان اساس فرقلندیریجی اؤزللیگی تام صداقت و صمیمیتله بوتوو آذربایجان ایدئیاسینا قوللوق ائتمهسی و گونئی آذربایجانی بوتؤو آزربایجانین و تورک دونیاسینین بیرلیگینین آچاری کیمی سجیه لندیرمهسی ایدی. “بوتؤو آزربایجانین یولو تبریزدن کئچیر” شعاری ایله گونئی آزربایجانین اسارتدن قوتولماسی ایدئیاسینی گوندمه گتیرن و بو ایدئیا ایله ایلک رسمی شخص کیمی تاریخه دوشن ابوالفضل ائلچی بی بوتون آذربایجانلیلارین فیکیر و دوشونجه آتاسی کیمی هر زامان قلبلرده یاشایاجاق. موستقیل آزربایجانین آذربایجان خالق جمهوریتینین داوامی اولاراق دؤولت رمزلرینی معیینلشدیرن، آزربایجانین بوتؤولشمهسی اوغروندا حرکاتین ایستیقامتینی معیین ائدن ائلچیبی آذربایجان تورک میللتینین ابدی لیدئری اولاراق قالاجاق.
گونئی آذربایجان دئموکراتیک تورک بیرلیگی (گادتب) گونئی آزربایجانین ایستیقلالی، بوتؤو آزربایجانین یارانماسی و تورک دونیاسینین بیرلیگی و همرأیلیگی اوغروندا ائلچیبی یولو و ایدئیالارینا صادق قالاراق، بو یولو داوام ائتدیریر. اینانیریق کی، ائلچی بیین ایدئیالاری گئج-تئز گئرچکلشهجک.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی