گادتب: ایرقچی فارس-موللا رئژیمی، گونئی آذربایجانی ایشغال ائدیب، موستملکه شرایطینده ساخلایان ایشغالچی رئژیمدیر. ایشغالچی رئژیمین سئچکی اویونو دا داخیل اولماقلا هر بیر اویونو آذربایجانین علیهینه اولدوغو اوچون آذربایجان میللی حرکاتی طرفیندن رد ائدیلیر.
ایشغالچینین ایشغالچیلیق، ظلم و موستملکه سیاستینی هر هانسی سئچکی ایله اورتادان قالدیرماق اؤزونو آلداتماقدیر و آذربایجانین غرب بؤلگهسی، خصوصیله اورمییادا دا کوردلر کیمی ایرقچی فارس-موللا رئژیمین آلتینه چئوریلمک هئچ بیر خئییر وئرمهیهجک. گونئی آذربایجانین اساس پروبلئمی اؤز موستقیللیگینی قازانیب و اؤز اراضیلرینده اؤز حاکمیتینی قورماقدیر و موللا رئژیمین هر هانسی سئچکی اویونونا قاتیلماق قئید ائتدیمیز مقصده خیدمت ائتمیر.
آذربایجان میللی حرکاتینین ایچریده و خاریجده اولان فعاللاری دا آچیق شکیلده موللا رئژیمینین سئچکی اویونونون آذربایجانا مثبت هئچ نه وئرمیه جه یینه اینانیرلار. بو مسئلهلر بیر داها گونئی آذربایجان دئموکراتیک تورک بیرلیگینین (گادتب) ایشغالچی و ایرتیجاچی ایران رئژیمینین سئچکی اویونونا گئتمهمک بارهده مؤوقعیینین گونئی آذربایجاندا میللی فعاللار طرفیندن ده دستکلندیگینی گؤستریر.
گونئی آذربایجان دئموکراتیک تورک بیرلیگی (گادتب) آذربایجان تورک میللتینی بوتون عموم میللی مسئلهلرده بیرلیگیه چاغیرماقلا بیر داها ایشغالچی ایران رئژیمینین سئچکی اویونونا یوخ دئمهیه سسله ییر.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی