گادتب: ایرانین ایرقچی فارس رئژیمی گونئی آذربایجاندا او تایلی- بو تایلی آذربایجانا و آذربایجان پرئزیدئنتی جناب ایلهام علیئوه قارشی تخریباتی گئت-گئده آرتماقدادیر. آزربایجانین گوجلنیب اؤز اراضیلرینی ایشغالدان آزاد ائتمهسی دایم آذربایجانا قارشی دوشمن موناسیبتی بسلهین ایرانین ایرقچی فارس رئژیمینی اؤزوندن چیخاریب و آرتیق ایرقچی فارسلار اؤز دوشمنچیلیگینی گیزلهده بیلمهییب، آچیق شکیلده او تایلی- بو تایلی آذربایجانا قارشی دوشمنچیلییه باشلاییبلار. خصوصیله سون گونلر ایران دؤولتینه باغلی قزئت و اینفورماسیا واسطهلری آذربایجان دؤولتچیلیگی، سووئرئنلیگی و آزربایجانین اراضی بوتوولوگو ایله یاناشی آذربایجان پرئزیدئنتینی هدف آلیبلار.
ایران دؤولتینه باغلی موختلیف قزئت و سایتلار اؤز خسته تفکورلری ایله آذربایجان پرئزیدئنتی جناب ایلهام الیئوه قارشی بؤهتان دولو یازیلار درج ائتمکله آذربایجان پرئزیدئنتینه حؤرمتسیزلیک ائدیب کاریکاتورالار چاپ ائدیرلر. بو ایسه او تایلی- بو تایلی بوتؤو آذربایجانا قارشی حؤرمتسیزلیکدیر. اونسوز دا ایرانین ایرقچی و ایشغالچی فارس رئژیمی آذربایجان رئسپوبلیکاسینا دوشمن اولدوغو قدر گونئی آذربایجانا دا دوشمندیر و اونون اوچون آرازین قوزئیی و گونئیی فرق ائتمیر. تصادفی دئییلدیر کی، ائله آذربایجان پرئزیدئنتینه حؤرمتسیزلیک ائتدیکلری آنلاردا یئنیجه عملیات اولونان عباس بی لیسانی ایرانین ایرقچی فارس رئژیمینین پروکورورونون امری ایله حتی اؤزلرینین طبی ائکسپئرتیزاسینین رأیینه محل قویمادان حبسخانایا آتیلیب.
ایرانین آراز چایینی چیرکلندیریب ائکولوژی فلاکته سبب اولان ائرمنیستانین بو عمللرینه گؤز یومماسی، ائرمنیستانلا بیرلیکده آزربایجانین 30 ایل ایشغال دؤورونده ایشغال اولونموش اراضیلرینی تالاییب خارابالیغا چئویرمهسی، گونئی آزربایجانین یئر آلتی-یئر اوستو ثروتلرینی موستملکهچی کیمی تالاماسی، اورمیا گؤلونو قوروتماقلا بوتون گونئی آذربایجانی خارابالیغا چئویرمهسی ایرانین او تایلی- بو تایلی آذربایجانا اولان موناسیبتینین آچیق گؤستریجیسیدیر. عینی زاماندا آذربایجان رئسپوبلیکاسینین سووئرئنلیگی و اراضی بوتؤولوگو، ائلهجه ده آذربایجان پرئزیدئنتینین بؤهتانلار و کاریکایتورالارلا هدف آلینماسی ایرانین ایرقچی فارس رئژیمینین گونئی آذربایجاندا آذربایجانا قارشی اعلان اولونمامیش بیر ساواش آچدیغینی گؤستریر.
آذربایجان رئسپوبلیکاسی و آذربایجان پرئزیدئنتینه قارشی ایرانین فارس-موللا رئژیمینین بو ادبسیزلیگی تکجه او تایلی- بو تایلی آذربایجانا یوخ، بوتون تورک دونیاسینا قارشی دوشمنچیلیکدیر و گونئی آذربایجان دئموکراتیک تورک بیرلیگی (گادتب) ایرقچی فارس-موللا رئژیمینین بو ادبسیزلیگی و ایرنج حرکتلرینی کسکین شکیلده قیناییر و بونلارین آذربایجان تورک میللتی طرفیندن جاوابسیز قالمایاجاغینی بیلدیریر.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی