شنبه , نوامبر 21 2026
azfa
تازه ها

گادتب-نین ایرانین ائرمنیستانلا ۵۰۰ میلیون دوللارلیق سلاح مقاویله‌سینه دایر بیلدیریشی

گادتب: سون گونلر ایرانین ائرمنیستانا سلاح ساتیشینا دایر ۵۰۰ میلیون دوللارلیق موقویله‌سینین ایفشاسی بیر داها ایرق‌چی فارس-موللا رئژیمین آنتی-آذربایجان مووقعیینین ده ییشمه دیگی و عکسینه داها کسکینلشدیگینی اورتایا قویدو. سؤزسوز کی، ایرانین بو آددیمی آذربایجانین وارلیغینی هدف آلیب و قطعیاً گؤزآردی ائدیله بیلمز. ایرق‌چی فارس-موللا رئژیم بیر طرف‌دن هیندیستانا ائرمنیستانی موختلیف سلاحلارلا تجهیز ائتمه‌سینه دهلیز یارادیر، دیگر طرف‌دن ده موختلیف شاهید پوآلارینی، راکئتلر و هاوا هوجومون‌دان مدافعه سیستئملرینی ائرمنیستانا وئرمکله بو تجاووزکار اؤلکه‌نی آذربایجانلا یئنی محاربه‌یه سؤوق ائدیر.

ایرق‌چی فارس-موللا رئژیمی گیزلی شکیل‌ده آذربایجانلا دوشمن‌چی‌لیک ائتمکله عینی واخت‌دا آذربایجان‌دان اولان اؤز یئتیرمه‌سی اولان مسعود پزشکیانین پرئزیدئنت اولماسینا شرایط یاراتماق، ائله‌جه ده اؤزونو یالان‌دان آذربایجانا دوست گؤسترمکله گؤزدن پرده آسیب و ساده اینسانلاری آلداتماغا چالیشیر. اونوتماماق لازیم‌دیر کی، ایرانین ایرقچی فارس-موللا رئژیمی آذربایجان و تورک دوشمنی‌دیر. بو رئژیم اینسانلیغا، حاقا، دئموکراتییایا دوشمه‌ن‌دیر.

ایرانین ۲-جی قاراباغ محاربه‌سی و آذربایجانین اؤز اراضیلرینی آزاد ائتمه‌سی ایله قافان‌دا اؤزونه کونسوللوق آچماسی، حاضردا ایسه تجاووزکار ائرمنیستانی موختلیف سلاحلارلا تجهیز ائتمه‌سی و سایر بئله آددیملاری بیرباشا آذربایجانین وارلیغی و دؤولتچیلیگینی هدف آلیب. گونئی آذربایجان دئموکراتیک تورک بیرلیگی (گادتب) ایرانین ایرق‌چی فارس-موللا رئژیمینین بو حرکت و عمللرینی کسکین شکیل‌ده پیسله ییر. بیز گونئی‌لیلر اولاراق دایم آذربایجان دؤولتینین یانینداییق و هئچ زامان موللا رئژیمین اویونلارینا اینانماییب و ایرانین ایرقچی فارس-موللا رئژیمینین آنتی-آذربایجان و آنتی-تورک ماهیتینی یاخشی بیلیب و اونا آلدانمیریق.

اژدر تاغی‌زاده

گونئی آذربایجان دئموکراتیک تورک بیرلیگی (گادتب) باشقانی

دوباره امتحان کنید

آمریکا چهار نفر را تحریم کرد؛ میلیاردها دلار درآمد نفتی رژیم در دست واسطه‌های فاسد گرفتار شده است

گادتب: وزارت خزانه‌داری آمریکا روز جمعه ۲۰ نوامبر ، در چارچوب عملیات گسترده «طرد اقتصادی»، …

زهرا رحیمی دختر مرندی نایب‌قهرمان پاراتکواندو جهان شد

گادتب: «زهرا رحیمی»، ورزشکار ۱۹ ساله و تاریخ‌ساز مرندی، در مسابقات قهرمانی پاراتکواندو جهان ۲۰۲۶ …