ادتاج اتحادیه دمکراتیک ترک آذربایجان جنوبی
گادتب: گونئی آذربایجانی ایشغال و موستملکه ائتمیش ایرقچی فارس-موللا رئژیمی آذربایجان تورک میللتینه اؤز دوغما یوردون‌دا یاشاماغا دا هئچ بیر حاق-حقوق تانیماق ایسته میر. اورمییا گؤلونو قصداً قورودوب، آذربایجانی خارابایا چئویر‌ن موللا رئژیمینین قاراقیشلاق کندین‌ده دوز زاوودو تیکمکله صرف موستملکه‌چی‌لیک و آذربایجانین ثروتلرینین حتی اهالینین جانی باهاسینا تالاماق مقصدینین قطعی اولدوغونو بیر داها ثبوت ائتمک‌ده‌دیر.
ایرقچی و ایشغالچی فارس-موللا رئژیمی او قدر رذالت و وحشی‌لییه یووارلانیب کی، اؤز یاشام حاقی اوغرون‌دا اعتراضا قالخمیش میللتی تجاووزله هده له ییر. بو ایسه ایرقچی فارس-موللا رئژیمینین آذربایجان تورک میللتینی محو ائتمک اوغرون‌دا هئچ بیر ائتیک و اینسانی نورما و سینیر تانیمادیغینی گؤسترمک‌ده‌دیر. بو، ایرقچی فارس-موللا رئژیمین آذربایجان تورک میللتینه قارشی آچیق ساواشیدیر.
موللا رئژیمین گونئی آذربایجانین سالماس بؤلگه‌سینین قاراقیشلاق کندین‌ده اهالینین یاشاماسینا جدی تهلوکه یارادان دوز زاوودونو تیکیلمه‌سی، اهالینین بونا حاقلی اعتراضینا دیوان توتوب، ۷۰ نفردن آرتیق کیشی، قادین و حتی یاشلیلاری حبس ائدیب، اونلاری تجاووزله حده‌له‌مه‌سی علاوه بیر قارا لکه کیمی بو رئژیمین آلنین‌دا قالاجاق.
ایرقچی فارس-موللا رئژیمینین بو یاناشماسی گؤستردی کی، آذربایجانی موستملکه ائتمیش فارس رئژیمی آذربایجانلا باغلی حتی ائکولوژی پروبلئمین گونده‌مه گتیریلمه‌سینه ده دؤزوم سرگیله‌یه بیلمیر. بو ایسه منطیقی اولاراق بو رئژیمین تکجه آذربایجانین اؤزو و میللتینه دئییل، آذربایجانا عایید طبیعته ده قانلی دوشمن اولدوغونو ثبوت ائدیر.
گونئی آذربایجان دئموکراتیک تورک بیرلیگی (گادتب) ایرقچی فارس-موللا رئژیمین گونئی آذربایجانین سالماس بؤلگه‌سینین قاراقیشلاق کندینه هوجومو و اهالینی حبس ائدیب، اونلاری تجاووزله حده‌له‌مه‌سینی کسکین شکیل‌ده قیناییر و گونئی آذربایجانین بوتون پروبلئملر و محو اولماق‌دان یئگانه قورتولما یولونون موستقیل‌لیک اولدوغونو دوشونور. گادتب بو ایستیقامت‌ده آذربایجان تورک میللتینی بیرلییه و مباریزه‌یه چاغیریر.
اژدر تاغی‌زاده
گونئی آذربایجان دئموکراتیک تورک بیرلیگی (گادتب) باشقانی
