ادتاج اتحادیه دمکراتیک ترک آذربایجان جنوبی
گادتب: ایران اوزون ایللر ایدی ایستر تحصیل آدی آلتیندا قوم و سایر شهرلره آذربایجانلی گنج‌لری آپارماق و اونلاری یئتیشدیرن‌دن سونرا آذربایجانا گؤندرمک، ایستر سفیرلیک، مدنیت مرکزی و ایمام کومیته‌سی و سایر واسطه‌سیله آذربایجان رئسپوبلیکاسینا جاسوس شبکه‌سی یئتیشدیرمه‌یه چالیشمیش‌دیر.
ایرقچی فارس-موللا رئژیمی جاسوس شبکه‌سی ایله آذربایجانی سوریا، یمن، عراق و لبنان کیمی غیری ثابت بیر اؤلکه‌یه چئویرمک ایسته میش‌دیر. اوسته‌لیک، ایرانین آذربایجان و تورک میللتینه دوشمن موناسیبتینی نظره آلا‌راق، ایرانین جاسوس شبکه‌سی‌نین آذربایجاندا نئجه تهلوکه‌لی اولدوغونو آنلاماق اولار.
آذربایجان دؤولتی اوزون ایللر قونشولوق موناسیبتی اوچون ایرانین بو ایستیقامتینده دوشمن‌چی‌لیک سیاستینه دؤزسه ده، آرتیق ایکینجی قاراباغ محاربه‌سین‌دن ایرانین آذربایجانا قارشی دوشمن‌چی‌لیگی آچیق سویه یه داشیندیقدان و آزربایجانین تهران‌داکی سفیرلیگینه قارشی تئررور حادثه‌سین‌دن سونرا آذربایجان آرتیق ایران جاسوس شبکه‌سینه قارشی عملیاتا باشلادی. دین پرده‌سی آلتیندا ایرانین موللا رئژیمنه قارشی جاسوسلوق ائدن شخص‌لرین ضررسیزلشدیریلمه‌سی ایسه موللا رئژیمی‌نین تهلوکه‌سینی اورتا‌دان قالدیرماق ایستیقامتینده چوخ اؤنملی آددیم حساب ائدیلیر.
گونئی آذربایجان دئموکراتیک تورک بیرلیگی (گادتب) آذربایجان دؤولتی‌نین ایران جاسوس شبکه‌سینه قارشی عملیاتینی دستکله‌ییب و بو عملیات‌لارین اؤلکه‌ده ثابت‌لییه و تهلوکه‌سیزلییه حسابلانمیش چوخ موهوم حادثه اولدوغونو بیلدیریر.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی
