ادتاج اتحادیه دمکراتیک ترک آذربایجان جنوبی
گادتب: ایرانین شووینیست و ایرتیجاعچی موللا رئژیمی آزربایجانین گونئیینده- تبریز، اردبیل، اورمیا، زنجان، قزوین، کرج و باشقا شهرلریمیزده آذربایجان تورک میللتینین دیلی و میللی حقوقلاری اوغروندا فعالیت گؤسترن یوزلرله فعالیمیزی حبس ائدیب، اونلاری تضیق و ایشگنجه آلتیندا ساخلاییر.
بو گون تکجه میللتیمیزین میللی-مدنی حقوقلاری اوغروندا دئییل، حتی عادی اینسان حاقلاری، قادین حاقلاری و ظلمه معروض قالمیش اینسانلارین حقوقلارینی قوروماق ایستهین آزربایجانین تورک فعاللاری دا ایرتیجاچی فارس موللا رئژیمینین رئپرئسیا و حبسلرینه معروض قالیرلار. یوزلرله آذربایجانلی تجاووزکار ائرمنیستانین آذربایجان شیعهلرینین اراضیلرینه حربی تجاووزونو پیسله دیگینه گؤره، گویا اؤزونو موسلمانلارین حیمایه داری آدلاندیران ائرمنیپرست موللا رئژیمی طرفیندن حبس و ایشگنجهلره معروض قویولموشدور. حتی 21-جی عصرده چین کومونیست رئژیمینین سویقیریما معروض قویدوغو اویغور تورکلرینین حقوقونو مدافعه ائدن فعاللاریمیزی دا ایشگنجهلره و حبسلره معروض قویورلار. بیر سؤزله ایرانین ایرتیجاچی موللا رئژیمی بوتون اینسانی و معنوی ده یرلر، حاق-عدالت و میللی حقوقلار اوغروندا فعالیت گؤسترن اینسانلارا قنیم کسیلمیشدیر. آزربایجانین یوزلرله، مینلرله ایگید اوغول و قیزلاری، او جملهدن عباس لیسانی، سیامک میرزایی، یوسف کاری، واصقی قارداشلاری، حکیمه احمدی، لطیف حسنی و یوزلرله آذربایجانلی فعال فارس ظلمو و موستملکهچیلیگینه معروز قالمیش، آذربایجان تورک میللتینین حقوقلاری اوغروندا فعالیت گؤستردیکلرینه گؤره حبس، ایشگنجه و ترئپرئسیالارلا قارشیلاشمیشدیر.
گونئی آذربایجان دئموکراتیک تورک بیرلیگی (گادتب) ایران رئژیمی طرفیندن رئپرئسیالارا معروض قالمیش میللتیمیزین بوتون موباریز اینسانلارینین یانیندادیر و اونلاری دستکله ییر. بو موباریز و حاق-عدالت اوغروندا فعالیت گؤسترن میللی فعاللارین فداکارلیقلارینی گؤرمزدن گلمک حاقسیزلیق اولاردی. ایرقچی-فارس موللا رئژیمینین ظلمونه معروض قالمیش موباریزلرمیزین و هر کیمسهنین حقوقلارینی مدافعه ائتمه یی آذربایجان میللی حرکاتینین اساس فونکسیالاریندان بیری حساب ائدیریک.
اژدر تاغیزاده
گونئی آذربایجان دئموکراتیک تورک بیرلیگی (گادتب)باشقانی
