ادتاج اتحادیه دمکراتیک ترک آذربایجان جنوبی
گادتب: سئنتیابرین 12-ده گئجه ساعت‌لاریندا ایشغالچی ائرمنیستان اوردوسو آذربایجانا قارشی یئنی تخریباتا باشلامیش و گئنیش میقیاسلی هجوم و تخریبات نتیجه‌سینده بؤیوک بیر اراضیده توققوشما باش وئرمیش‌دیر. آذربایجان اراضی‌لری‌نین مینالایان و تخریبات حیاتا کئچیرن ایشغالچی ائرمنیستانین باش ناظری نیکول پاشینیان حربی تجاووزله پارالئل ایرانین، فرانسانین، روسیانین و سایر اؤلکه‌لرین رهبرلرینه زنگ ائده‌رک، ائرمنی ریاکارلیغی ایله هجوما معروض قالما شوسو نوماییش ائتدیردی.
دایم ایشغالچی ائرمنیستانی دستکله‌ین ایران، فرانسا و روسیا بو دفعه ده ایشغالچی ائرمنیستانی دستکلمه‌یه چالیشدی‌لار. لاکین هم ائرمنی‌لرین، هم ده اونلارین هامیلرینین تخریباتی و یالان‌لاری داها اؤز تأثیر گوجونو ایتیریب. قهرمان آذربایجان اوردوسو هر نؤوع تخریبات و تجاووزون قارشی‌سینی مردلیکله آلیر و لازیمی جاوابی وئریر.
سؤزسوز کی، آذربایجان اوردوسو اؤز جانی و قانی باهاسینا وطنینی قورویوب، ایشغالچی‌لارین هجومونو دفع ائدیر. سون ائرمنی تجاووزونده ده قهرمانجاسینا وطنینی مدافعه ائدن 50 نفر آذربایجان حربچی‌سی شهید اولموش‌دور.
گونئی آذربایجان دئموکراتیک تورک بیرلیگی (گادتب) ائرمنیستانین آذربایجانا قارشی حربی تجاووز و تخریباتینی، ائله‌جه ده ائرمنیستانین هامیلرینین عدالت‌سیز و غرضلی مؤوقعیینی کسکین شکیلده پیسله مکله، آذربایجان شهیدلری‌نین عائله‌لری، یاخین‌لاری و عالی باش کوماندان جناب ایلهام علیئو و آذربایجان تورک میللتینه درین حوزنله باش ساغلیغی وئریریک.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی
