ادتاج اتحادیه دمکراتیک ترک آذربایجان جنوبی
گادتب: تورکیهده قصداً تؤرهدیلن مئشه یانغینلاریندا قارداش اؤلکهیه دستک اولماق اوچون قوزئی و گونئی آذربایجان تورکیه دؤولتی ایله همرأیلیک نوماییش ائتدیریر. قوزئی و گونئی آذربایجاندا آذربایجان تورک میللتی سوسیال شبکهلرده تورکیه ایله همرأیلیک نوماییش ائتدیرمک مقصدیله، فیدان اکیلمه ییندن توتموش موختلیف فورمالاردا معنوی دستک ایفاده ائدیب، تورکیهده بیر آغاجین یانماسینی اؤزلرینین اورکلری، جانلارینین یانماسی کیمی ایفاده ائدیرلر.
آذربایجان رئسپوبلیکاسی ایسه قارداش تورکیهیه گؤندریلن یانغین سؤندورن طیاره، هئلیکوپتئرلر، یانغین سؤندورن ماشینلار و تئکنیکادان علاوه چوخ سایلی جانلی قوه نی یاردیما گؤندرمیشدیر. بو ایسه عملده “بیر میللت ایکی دؤولت” دئییمینین حیاتا کئچدیگینی بیر داها نوماییش ائتدیردی.
تورکون گوجو و همرأیلیگی یانغینلاری تؤرهدن پ ک ک تئررورچولاری، ائلهجه ده اینسانلیق دوشمنینه چئوریلن یونانیستان، ائرمنیستان و سایر پ ک ک تئررور تشکیلاتی حمایهچیلرینی نتیجه چیخارماغا سسله ییر. بشریته و طبیعته قارشی تؤرهدیلن بو دهشتلی جینایتلری ایله تورکون صبرینی سینماسینلار. اونلار اینسانلیق دیشی جینایتلری ایله آنجاق اؤز وحشی و جینایتکار خیصلتینی دونیایا نوماییش ائتدیریرلر.
گونئی آذربایجان دئموکراتیک تورک بیرلیگی (گادتب) تورکون حاق موقعیینین یئنه غالیب گله جه یینه ایناناراق هر زامان اولدوغو کیمی تورکیهنین یانیندا اولدوغونو بیلدیریب و بئله اینسانلیق دیشی تئررور و جینایتلری قیناییر. بیر داها تورکیه و بؤیوک تورک میللتینه باش ساغلیغی وئریب، تئزلیکله بو آجینین دا کئچه جه یینه اومید ائدیریک.
گونئی آذربایجان دئموکراتیک تورک بیرلیگی (گادتب)
