گادتب: کیمسهیه سیرر دئییل کی، ایرانین جینایتکار موللا رئژیمی و روسیا تورک دوشمنی اولدوقلاری اوچون فونکسیاسی ائرمنیلر کیمی ایمپئریالیست دؤولتلرین الینده ماشا و آلته چئوریلمک اولان کوردلری دستکلهییب و تورکیهیه قارشی تئررورچولوغا سؤوق ائدیرلر.
ماراقلیدیر کی، بیر-بیری ایله دوشمن اولان غرب و روسیا، ائلهجه ده جینایتکار موللا رئژیمی هامیسی بیرلیکده تورکه قارشی کورد تئرروریزمینی کوللانماقدا اورتاق امکداشلیق نقطهسی تاپیبلار. بو بس دئییلمیش کیمی، همین جینایته اینسانلیق قصابی اسدی ده جلب ائدیرلر.
تورکیه پرئزیدئنتی رجب طیب اردوغانین سوریادان تورکیهیه پ ک ک تئررور تهدیدی ایله مباریزهده غربله مباریزه آپاردیغی بیر دؤورده هم ده شرقین پوتین و خامنه ایی کیمی جینایتکارلاری ایله مذاکیره اوچون تهرانا سفر ائتمهیه مجور اولماسی دونیانین نئجه آجیناجاقلی، تأسف دوغوروجو و رذیل وضعیتده اولدوغونو آچیق شکیلده گؤسترمکدهدیر.
اوستهلیک خامنه اینین اوتانمادان تورکیهنین سوریانین قوزئییندن پ ک ک تئررور تهدیدینی دفع ائتمه جهدینه قارشی ساییقلاماسی، بو تئررور هامیسی رئژیمین نه درجهده حیاسیز اولدوغونو دا آچیق نوماییش ائتدیردی.
گونئی آذربایجان دئموکراتیک تورک بیرلیگی (گادتب) تورکیه دولتی و تورکیه پرئزیدئنتی جناب رجب طیب اردوغانا سسلنهرک، تورک دوشمانی اولان روسیا و ایرتیجاچی موللا رئژیمینین آرتیق آغیر دورومدا اولدوغو و اونلارین دا دستکله دیگی تئررور تهدیدینی دفع ائتمک اوچون تورکون مقدس شأنینه پوتین، خامنه ای و رئیسی کیمی قصاب و جینایتکارلارلا گؤروش مجبوریتی ایله کؤلگه دوشورمهیه بوندان سونرا داها احتیاجین اولمادیغینی دوشونور. تورکون گوجو اؤزونه و تورک دونیاسینا آرخالانماقلا باسیلماز و یئنیلمز اولور. تورکون بیرلیگی اولارسا، غربی ده، روسیا و ایرتیجاچی موللا رئژیمینی و اونلارین ال آلتیسینا چئوریلن تئررور چتهلرینی ده یئنهجک.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی