ادتاج اتحادیه دمکراتیک ترک آذربایجان جنوبی
گادتب: ایرقچی فارس-موللا رئژیمین بیرباشا مالیه و حربی دسته یی ایله حماس تئررور قروپلاشماسی ایشید وحشیلیگی ایله ایسرائیل شهرلرینه هوجوم ائدیب و دینج اهالینین ائولرینه گیرهرک، اوشاقلارا و قادینلارا تجاووز ائدرک، اونلاری قتل عام ائدیب، چوخ سایدا دینج ساکینلری ایسه اسیر آلمیشدیر. سؤزسوز کی، ۲۱-جی عصرده گؤرونمه میش بو تئررور، وحشیلیک و جینایتلر صیرف علی خامنه ای نین گؤستریشی ایله تؤردیلیب. تصادفی دئییلدیر کی، بشریته قارشی بو جینایتلری خامئه ای آچیق شکیلده دستکله ییر.
بایدئنین ایرانلا راضیلاشیب ۷ میلیارد دوللار بلوکلانمیش پولو ایرانا قایتارماقلا رئگیوندا بئله فاجعهلرین باش وئرمهسی گؤزلهنیلن ایدی. کیمسهیه سیرر دئییل کی، ایرقچی فارس-موللا رئژیمی یاشادیقجا و ایستهنیلن واخت مالیه ایمکانلارینا الی چاتدیقجا بشریت داها دهشتلی جینایتلر و فاجعهلرین شاهیدی اولاجاق.
گونئی آذربایجان دئموکراتیک تورک بیرلیگی (گادتب) حماس تئررورچولارینین ایسرائیلده دینج اینسانلارا قارشی تئررور و جینایتلرینی پیسلهمکله، بوتون دونیا اؤلکهلرینه سسلنهرک، اونلاردان ایسته ییر کی، ایرقچی فارس-موللا رئژیمی و اونون جینایتکار لیدئری علی خامئه ای نین بشریت دوشمنی اولماسینا غافیل اولماییب و بو رئژیمه آلدانیب هر هانسی مالیه منبعی نین بو جینایتکار رئژیمین الینه کئچمهسینه مانع اولسونلار.
گونئی آذربایجان دئموکراتیک تورک بیرلیگی (گادتب)
