ادتاج اتحادیه دمکراتیک ترک آذربایجان جنوبی
گادتب: گونئی آذربایجان دئموکراتیک تورک بیرلیگی (گادتب) روسییانین آذربایجان تورکلرینه قارشی تؤرتدیگی جینایتلرله باغلی بیلدیریش یاییب. بیلدیریشی اولدوغو کیمی تقدیم ائدیریک:
بیانات
گونئی آذربایجان دئموکراتیک تورک بیرلیگی (گادتب) طرفیندن روسییا فئدئراسییاسینین آذربایجان تورکلرینه قارشی تؤرتدیگی سون جینایتلرله باغلی بیانات
بیز، روسییا فئدئراسییاسیندا سون گونلرده ایکی آذربایجان تورکونون قتله یئتیریلمهسی و یوزلرله سویداشیمیزین کوتلوی شکیلده حبس اولونماسینی قطعیتله پیسله ییریک. بو حادثهلر آیری-آیری حاللار دئییل، دؤولت سوییهسینده حیاتا کئچیریلهن زوراکیلیق، تضییق و ائتنیک آیری-سئچکیلیگین آچیق نومونهسیدیر.
بو جور جینایتلر بئین الخالق حقوقون، اینسان حاقلارینین و ببیرلشمیش میللتلر تشکیلاتینین نیظامنامهسینین کوبود شکیلده پوزولماسیدیر. آذربایجان تورک میللتی نه سوسدورولا بیلر، نه ده تاریخدن سیلینه بیلر — بیز بو تورپاقلاردا عصرلردیر وار اولموشوق و بوندان سونرا دا ظلمه قارشی دایانماغا داوام ائدجه ییک.
بیز آذربایجان رئسپوبلیکاسینی، تورک دؤولتلری تشکیلاتینی و بئین الخالق اینسان حاقلاری قوروملارینی
بو تهلوکهلی وضعیته درحال رئاکسییا وئرمهیه چاغیریریق.
گونئی آذربایجان دئموکراتیک تورک بیرلیگی اولاراق، آذربایجان تورکلرینین حقوقلارینی سیاسی، حقوقی و دیپلوماتیک واسطهلرله قوروماقدا قرارلیییق. عدالت غالیب گلهجک. بیز نه اونوداجاغیق، نه ده باغیشلایاجاغیق.
میکاییل اویتا
جنوبی آذربایجان دئموکراتیک تورک بیرلیگی (گادتب)
بئین الخالق علاقهلر دئپارتامئنتینین صدری
