ادتاج اتحادیه دمکراتیک ترک آذربایجان جنوبی
گادتب: ایران رئژیمینین عیراقین اراضی بوتؤولوگونه قصد ائتمکله عیراق بایراغی یئرینه عیراق کورد موختاریتینین بایراغینی تئهراندا دالغالاندیریب، هر دفعه اولدوغو کیمی بو دفعه ده کورد تئررور تشکیلاتلارینا یاشیل ایشیق یاندیرماسیندان سونرا، گونئی آزربایجانین سولدوز شهرینده تئررور تشکیلاتی اولان ایران کوردوستانی دئموکرات پارتیاسینین تئررورچو عضوونون شخصی اختیلاف زمینینده قتله یئتیریلمهسی ایران موللا رئژیمی و ایرقچی-فاشیست فارس اوپوزیسیونونون الینده آلته چئوریلمیش ایران کوردوستانی دئموکرات پارتیاسینین آذربایجانا قارشی فیتنه کارلیق بهانهسینه چئوریلمیشدیر.
یالاندان غئیری-فارس میللتلرین بیرلیگیندن دم ووران تئررور تشکیلاتی اولان ایران کوردوستانی دئموکرات پارتیاسی شخصی زمینده قتله یئتیریلن عضوونون قتلینی بهانه ائدهرک موهاجیر و تئررورچو کوردلری آذربایجانی غصب ائتمهیه چاغیرماقلا اؤز ریاکار ماهیتینی بیر داها ایفشا ائتدی.
آرتیق آذربایجان تورک میللتی چوخدان کورد تئررور تشکیلاتلارینین ایرقچی فارس موللا رئژیمینین سیاستلرینی، او جملهدن آذربایجانی محو ائتمه پلانلارینین ایجراسی اوچون آلته چئوریلدیگینی باشا دوشوب و اونون اوچون ده هئچ بیر شوبهه ائتمهدن درحال سولدوزدا تئررورچولارا لاییقلی جاواب وئریلدی. کورد تئررور تشکیلاتلاری، او جملهدن ایران کوردوستانی دئموکرات پارتیاسی موللا رئژیمینین ایسلام اینقیلابیندا اولدوغو کیمی یئنیدن آذربایجان شهرلرینی ایشغال پلانی ایله آذربایجان تورک میللتینین صبرینی سیناماسینلار.
گونئی آذربایجان دئموکراتیک تورک بیرلیگی (گادتب) کورد تئررور تشکیلاتلاری، او جملهدن ایران کوردوستانی دئموکرات پارتیاسینا آذربایجانا قارشی هر نؤوع فیتنه کارلیقلا باغلی خبردارلیق ائتمکله بیلدیریر کی، آرتیق آذربایجان تورک میللتی یئنیدن کوردلرین آذربایجانا قارشی تؤرتدیگی سیمیتقو قتل عامی، 1979-جو ایل سولدوز سویقیریمی و سایر فیتنه کارلیقلارا دؤزمهیهجک. کوردلر بیلمهلیدیرلر کی، ایرقچی و موستملکهچی فارس رئژیمینین الیندن آزاد اولماغین یولو، ظلمه معروض قالمیش آذربایجان تورک میللتینین وطنینه گؤز دیکهرک فارس موستملکهچیلرینین الینده آلت اولماقدان کئچمیر.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی
