ادتاج اتحادیه دمکراتیک ترک آذربایجان جنوبی
گادتب: گونئی آذربایجاندا آذربایجان میللی حرکاتینین تانینمیش فعالی عباس بی لیسانی، میللی حرکاتین تانینمیش دیگر میللی فعاللاری علی بی خیرجو، یوسیف بی کاری و بهزاد بی دشتی ایله بیرلیکده موللا رئژیمین قتل، جینایت و ایشگنجه مرکزی اولان ائوین زیندانیندا آغیر حبس شرایطینده آجلیق آکسییاسی کئچیرهن آذربایجان میللی حرکاتینین فعاللارینا دستک اولماق مقصدیله بیر باشا جینایت مرکزینین اوستونه گئتمهلری و وحشیجهسینه جینایتکار موللا رئژیمین قوهلری طرفیندن دؤیولهرک حبس ائدیلمهلری آذربایجان میللی حرکاتیندا بوتون دوشمن فیتنکارلیغینا باخمایاراق بیرلیک و فداکارلیغین نئجه یوکسک سوییهده اولدوغونو نوماییش ائتدیردی.
اؤزللیکله بیر سیرا قوهلرین میللی حرکاتدا آیریلیق و قروپلاشما یاراتماغا چالیشدیغی بیر واختدا تانینمیش میلی فعاللارین قتلگاهین، حبس و ایشگنجهنین اوستونه گئتمه سی خصوصیله بؤیوک اهمیت کسب ائدیر.
جینایتکار و ایرقچی فارس-موللا رئژیمی حاقلارینی تاپدادیغی آجلیق آکسییاسی کئچیرهن آذربایجانلی سیاسی محبوسلارین حاقلی طلبلرینی یئرینه یئرمهمکله، همچینین اونلارا دستک اولان تانینمیش آذربایجانلی میللی فعاللاری دا ییرتیجی مأمورلاری واسطهسیله حبس ائدیب.
سؤزسوز کی، ایرقچی فارس-موللا رئژیمین بو ییرتیجیلیغی آذربایجان تورک میللتینی اؤز مقدس یولوندان دؤندره بیلمهیهجک و گئج-تئز آذربایجانین غیرتلی اؤولادلارینین موباریزهسی اؤز نتیجهسینی وئرهجک.
گونئی آذربایجان دئموکراتیک تورک بیرلیگی (گادتب) آجلیق آکسییاسی کئچیرن آذربایجانلی سیاسی محبوسلارا، ائله جه ده اونلارا دستک اولان عباس بیه و دیگر آذربایجانلی فعاللارا آزادلیق طلب ائمکله یاناشی ایرقچی فارس-موللا رئژیمین آذربایجان تورک میللتینین سیویل موباریزهسینی وحشیلیکله یاتیرما جهدینی پیسله ییر. سؤزسوز کی موللا رژیمین بو وحشیلیگی داغیلماقدا اولان رژیمه کؤمک اولمایاجاق.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی
