گادتب: گونئی آزربایجانین سیاسی محبوسلارینین بیرلیک نماییش ائتدیریب، حاقلی طلبلری ایله ایشغالچی، ایرقچی و ایرتیجاچی ایران رئژیمینه غالیب گلمهلری پروسئسینده آذربایجان تورک میللتینین موستقیللیک اوغروندا موباریزهسی اوچون چوخ مهم مقاملارلا یاددا قالدی. هم گونئی آزربایجانین سیاسی محبوسلارینین ایشغالچی رئژیمین اردبیل و تهران زیندانینداکی سیاسی محبوسلاری عباس لیسانی، سیامک میرزایی و باشقا سیاسی محبوسلاریمیزین بیرلیک نماییش ائتدیرمهسی، زینداندان خاریج اردبیل، تبریز، خیاو و باشقا شهرلرده آذربایجانلی تورک فعاللارین خصوصی آکتیولیگی، اعتراض شعارلاری، پوستئرلری و سایر اعتراض نماییشلری، ائلهجه ده گادتب-ده داخیل اولماقلا گونئی آذربایجان تشکیلاتلارینین همین بیرلیک و اعتراض نماییشینی یاییب، دستکله مهسی، قیسا زاماندا ایشغالچی موللا رئژیمینین مأمورلارینی گئری چکیلیب سیاسی محبوسلاریمیزین طلبلرینی قبول ائتمهسینه یول آچدی. بو کیچیک غلبه سؤزسوز کی، داها بؤیوک غلبهلریمیز اوچون زمین اولاجاق.
اعتراض پروسئسینده گؤزه چارپان داها مهم مقاملاردان بیری ده اردبیل، تبریز، خیاو و سایر شهرلریمیزده فعاللاریمیزین ایشغالچی و ایرتیجاچی موللا رئژیمینین سوزگجدن کئچیریب خالقا آدای آدی ایله سیریدیغی کیمسهلره سس وئرمه یه جه یی و رئژیمین سئچکی اویونوندا ایشتیراک ائتمهیهجکلرینه ایشاره ایدی. آذربایجان میللی حرکاتینین ایچریده کی فعاللاری آچیق شکیلده اونلارین سس وئرجه یی شخصلرین زیندانلاردا اولان آذربایجان سیاسی مبوسلاری اولدوغونون آیدین شکیلده عکس ائتدیرمهلری ایدی. بو مسئلهلر بیر داها گونئی آذربایجان دئموکراتیک تورک بیرلیگینین (گادتب) ایشغالچی و ایرتیجاچی ایران رئژیمینین سئچکی اویونونا گئتمه مک بارهده مؤوقعیینین گونئی آذربایجاندا میللی فعاللار طرفیندن ده دستکلندیگینی گؤستریر.
گونئی آذربایجان دئموکراتیک تورک بیرلیگی (گادتب) آذربایجان تورک میللتینی بوتون عموم میللی مسئلهلرده بیرلییه چاغیرماقلا بیر داها ایشغالچی ایران رئژیمینین سئچکی اویونونا یوخ دئییر.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی