ادتاج اتحادیه دمکراتیک ترک آذربایجان جنوبی
گادتب: ایرقچی فارس-موللا رئژیمی دونیا موستملکهچیلرینین تشکیلاتچیلیغی ایله قاجار تورک دؤولتینی غصب ائدندن بو یانا مختلیف فورمالاردا آذربایجان تورک میللتینه قارشی سویقیریم، رئپرئسییا، حبس و سایر ظلملردن چکینمهییب. بو گون ده گونئی آذربایجاندا آذربایجانلی فعاللارین، او جملهدن یوروش مهرعلی بیلی نین حبسی ایرقچی فارس-موللا رئژیمینین همین سیاستینین داوامیدیر.
ایرقچی فارس-موللا رئژیمی اونوتمامالیدیر کی، اردبیل، تبریز، اورمییا و باشقا شهرلریمیزده آذربایجانلی تورک فعاللاری دینج و میللی زمینده فعالیتلری اوچون توتوقلامالاری عکس نتیجه وئرهجک و بو میللی فعاللاریمیزین دیره نیش عزمینی آرتیراجاق. موللا رئژیمی بو غیری-اینسانی حرکتلری و تضییقلری ایله آذربایجان تورک میللتینین موستقیللیک عزمینی قیرا بیلمهیهجک. عکسینه بو تضییقلر آذربایجانین ایگید اؤولادلارینین رئژیمین زیندانلاریندا دیره نیشینی آرتیراراق، داها بؤیوک غلبهلریمیز اوچون زمین اولاجاق.
گونئی آذربایجان دئموکراتیک تورک بیرلیگی (گادتب) یوروش مهرعلی بیلی و آذربایجانین مختلیف شهرلرینده ایرقچی فارس-موللا رئژیمی طرفیندن توتولوب، حبس، ایشگهنجه و تضییقره معروض قالان آذربایجانلی فعاللاری دستکلهییب و موللا رئژیمین بو غیری-اینسانی حرکتینی پیسله ییر.
گونئی آذربایجان دئموکراتیک تورک بیرلیگی (گادتب) آذربایجان تورک میللتینی بوتون عموم میللی مسئلهلرده، او جملهدن موللا رئژیمین حبس ائتدیگی آذربایجانین ایگید اؤولادلارینین سسی اولماغا و اونلاری دایم حمایه ائتمهیه چاغیریر.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی
