ادتاج اتحادیه دمکراتیک ترک آذربایجان جنوبی
گادتب: آذربایجان خالق جمهوریتی‌نین بانی‌سی، بؤیوک تورکچو، دؤولت و اجتماعی خادیم، سیاستچی و پوبلیسیست، آذربایجان تورک میللتی‌نین داحی اؤندری محمد امین رسولزاده 1884-جو ایل یانوارین 31-ده باکینین نووخانی کندینده آنا‌دان اولموش‌دور.
محمد امین رسولزاده آذربایجان خالق جمهوریتینی قورماقلا یاناشی هم ده آزربایجانین گونئیینه خصوصی دقتی اولموش‌دور. عینی زاماندا گونئی آذربایجاندا میللی آزادلیق حرکاتلارینین گوجلنمه‌سینده اونون ایدئیا‌لاری، اؤزللیکله قوردوغو آذربایجان خالق جمهوریتی‌نین موستقیللی بؤیوک رول اوینامیش‌دیر.
محمد امین رسولزاده 1918-جی ایل، مایین 28-ده قورولان آذربایجان خالق جمهوریتی‌نین بانی‌لرین‌دن بیری‌دیر. تورک دونیاسیندا ایلک دئموکراتیک پارلامئنت‌لی رئسپوبلیکا اولان آذربایجان خالق جمهوریتی‌نین جمعی 23 آی عؤمور سورمه‌سینه و روس اوردوسونون آذربایجانی ایشغال ائتمه‌سی نتیجه‌سینده سقوطا اوغراماسینا باخمایا‌راق، محمد امین رسولزاده نین قوردوغو دئموکراتیک آذربایجان دؤولتی اینسان‌لارا چوخ بؤیوک حقوق و آزادلیق‌لار وئرمیشدی. اینسان‌لارین برابرلیگی پرینسیپ‌لرینه اساسلانان آذربایجان خالق جمهوریتی هله غربده بئله قادین‌لارین سئچمک و سئچیلمک حقوقو اولمادیغی بیر واختدا قادین‌لارا بو حقوقو وئرمیشدی. آذربایجاندا ایلک اونیوئرسیتئتین، اوردونون، دونانمانین اساسی محض بو دؤورده قویولموش‌دور.
محمد امین رسولزاده 1918-جی ایلده فتحعلی خان خویلو ایله بیرگه آزربایاجان خالق جمهوریتینی قورماقلا معاصر دؤولت فورماسیندا آذربایجان دؤولتچی‌لیگی‌نین اساسینی قویموش‌دور. بوگونکو آذربایجان رئسپوبلیکاسی محمد امین رسولزاده نین ایدئال‌لاری و آذربایجان خالق جمهوریتی‌نین 3 رنگ‌لی بایراغی ایله آذربایجان دؤولتچی‌لیگینی داوام ائتدیرمکده‌دیر
گونئی آذربایجان دئموکراتیک تورک بیرلیگی (گادتب) محمد امین رسولزادهنین قوردوغو آذربایجان خالق جمهوریتینی آذربایجان تورک میللتی‌نین چوخ عصیرلیک دؤولت‌چی‌لیک تاریخی‌نین پارلامئنت‌لی جومهوریت فورماسیندا معاصر دؤورده داوامی حساب ائدیر. موستقیل آذربایجان رئسپوبلیکاسینی محمد امین رسولزاده نین قوردوغو آذربایجان خالق جمهوریتی‌نین واریسی کیمی تکجه قوزئی‌لی سویداش‌لاریمیزین دئییل، بوتون دونیا آذربایجان‌لی‌لارینین دؤولتی حساب ائدیر. بو دؤولت گونئی آذربایجاندا موستقیل آذربایجان دؤولتی‌نین و عمومیتله بوتؤو آزربایجانین یارانماسی اوچون دایاق نقطه‌سی، ایدئیا قایناغی‌دیر.
گونئی آذربایجان دئموکراتیک تورک بیرلیگی (گادتب) آزربایجانین گونئیی‌نین میللی قورتولوشونو یالنیز و یالنیز ایستیقلال و جمهوریت ایداره اصولوندا گؤروب، آذربایجان خالق جمهوریتینی اؤزونه نومونه حساب ائدیر. گادتب محمد امین رسولزاده نین تورکچولوک ایدئال‌لارینا صداقتله گونئی آزربایجانین موستقیل‌لیگی و بؤتوو آزربایجانین یارانماسی اوغروندا فعالیت گؤسترمه یی اؤزونه شرف بیلیر.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی
