ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگی (گادتب) بئین الخالق علاقه‌لر دئپارتامئنتی صدری و آوسترالیا-آذربایجان آسوساسیاسی پرئزیدئنتی سایین میکاییل اویتا، ائله‌جه ده گادتب و آوسترالیا-آذربایجان آسوساسیاسینین عضو‌لری وکیل جئسیکا خانیم و روزا خانیم آوسترالیانین کئچمیش ایمیقراسیا ناظری و قوجامان سیاستچی، سیدنئی بلدیه باشقانی سایین فیلیپ رودوکلا گؤروشوبلر.
مایین 7-ده باش توتان گؤروشده موختلیف مسئله‌لر، او جمله‌دن گونئی آزربایجانین ایران ایشغا‌لی آلتیندا اولماسی و آذربایجانلی فعاللارین حبس و ایشگنجه‌لره معروض قالماسی، ایرانین ایشغالچی ائرمنیستانا یاردیم ائتمه‌سی، آزربایجانین 44 گونلوک 2-جی قاراباغ ساواشیندا بیرلشمیش میللتلر تشکیلاتینین قطعنامه‌لرینی اؤزو تک باشینا ایجرا ائده‌رک اؤز اراضی‌لرینی ایشغالدان آزاد ائتمه‌سی، ائرمنیستانین ایسه سیویل آذربایجانلی‌لاری هدف آلماقلا جینایت تؤرتمه‌سی و سایر مسئله‌لر مذاکیره ائدیلمیش‌دیر.
عینی زاماندا گؤروش زامانی سایین میکاییل اویتا گادتب و آوسترالیا-آذربایجان آسوساسیاسی طرفیندن جناب فیلیپ روددوک اینانا آزربایجانین حاقلی مؤوقعیینی دستکله دیگی اوچون تشکور ائتمیش‌دیر.
