ادتاج اتحادیه دمکراتیک ترک آذربایجان جنوبی
گادتب: ده یرلی آذربایجان تورک میللتی!
ایرقچی و ایشغالچی فارس رئژیم سون 97 ایل ایچه ریسینده آذربایجان تورک میللتینی موستملکه ائدیب و میللتیمیزی اولمازین ظلمونه معروض قویموشدور. ایرتیجا‌عچی-ایرقچی فارس رئژیم بو مدتده آذربایجان تورک میللتینه قارشی ایشغالچی‌لیق سیاستینی داوام ائدیب و آذربایجانا قارشی هئچ بیر ظلم‌دن چکینممیش‌دیر. حتی آذربایجانی ایشغال ائدیلیب محو ائدیلمه‌سی مقصدیله جینایتکار و ایشغالچی ائرمنی‌لری بئله دستکله میش‌لر.
ایرتیجا‌عچی فارس موللا رئژیمی حاکمیته گلدیگی گوندن تئررورو دؤولت سیاستینه چئویرمکله، آذربایجان تورک میللتی‌نین یئرالتی و یئر اوستو ثروت‌لرینی موستملکه شکلینده تالامیش و رئگیون اؤلکه‌لرینده، او جمله‌ده لبنان، سوریا، یمن، آفریقا اؤلکه‌لری و سون دؤورلرده بونلاردان علاوه عراق و افغانستاندا تئررورچو دسته‌لر یئتیشدیریب ساخلاماقدا‌دیر. آرتیق آمریکا گؤردو کی، اؤز باشینا بوراخدیقلاری ایرقتیجا‌عچی فارس موللا رئژیمی‌نین رئگیون اؤلکه‌لرینده کی تئررورچو قروپ‌لارینی قوروب علاقه‌لندیرن باش تئررورچو قاسیم سلیمانی حدینی آشیب و شیشیب بؤیومکده‌دیر. اونا گؤره ده آمریکانین دؤولت سیاستی طلب ائتدی کی، باشقا جینایت‌لرین قارشی‌سینی آلماق اوچون موللا رئژیمی‌نین باش تئررورچوسونو اورتا‌دان گؤتورسون. هر یئرده بیر تئررورچو و تئررور منبعیی سوسدورولورسا بو بوتون دونیانین خئیرینه‌دیر. بیز تورک و آذربایجان‌لی و ایستیقلال‌چی تشکیلات اولا‌راق بوتون حاللاردا تئررورا قارشیییق. اوسته‌لیک بو تئررورچونون آذربایجانا و تورکه قارشی فارس شووینیزمینین اساس دایاقلارین‌دان اولدوغو کیمسه‌یه سیرر دئییل‌دیر.
بو گون بوتون رئگیوندا، او جمله‌دن لبناندا، سوریادا، یمنده، عراقدا گوناهسیز اینسان‌لارین قانینین تؤکولمه‌سینده اساس گوناهکار تئررورچو قاسیم سلیمانی ایدی. ایران آدلانان یئرده سون نویابر حادثه‌لرینده 1500 گوناهسیز اینسانین گولّلنمه امرینی وئرن شخص‌لردن بیری ده صرف قاسیم سلیمانی اولوب. دونیانین مختلیف یئرلرینده، آرژانتینده و سایر اؤلکه‌لرده تئررور عملیات‌لارین لایحه لندیریب حیاتا کئچیریلمه‌سینده باش تئررورچو قاسیم سلیمانی‌نین الی اولوب. سلیمانی و سلیمانی کیمی‌لر هله ایران-عراق محاربه‌سی دؤورونده بعضاً زور گوجو ایله، بعضاً ده آلداتماقلا یوز مین‌لرله گوناهسیز آذربایجان‌لی گنجی صدام حسینین قوه‌لرینه قیردیردی‌لار.
بشریتین، خصوصیله آزربایجانین و تورکون دوشمنی اولان باش تئررورچو قاسیم سلیمانی 2 ساعتا باکییا قوشون یئریدیب آذربایجان دؤولتینی یئر اوزون‌دن سیلمه یی یوخوسوندا گؤروردو. تورکیه‌یه قارشی ایسته نیلن قوه ایله بیرلشمه‌یه جان آتماسی و حتی پ ک ک-نی دستکلمه‌سی بئله کیمسه‌یه سیرر دئییل‌دیر. سون باریش پیناری عملیاتیندا دا آچیق شکیلده پ ک ک-یا دستک وئریب، تهران و اونلارلا شهرلرده تورکیه‌یه قارشی کورد تئررورونا دستک میتینگ‌لری تشکیل ائتمه‌لری کیمسه‌نین یادداشین‌دان سیلینمه میش‌دیر. تئررورچو قاسیم سلیمانی یالنیز گوناهسیز مسلمان‌لاری تئررور ائتمیش و اونون تمثیل ائتیدیگی ایران دؤولتی اویغور مسلمان‌لارینی سویقیریم ائدن کومونیست چینین متفقی‌دیر. آرتیق سلیمانی‌نین تئررورونون قوربانی اولان مسلمان‌لارین سایی دونیادا یوزمین‌لرله یوخ میلیون‌لارلا اؤلچولور.
بو گون بئله تورک دوشمانی تئرروریسته تورکیه و آذربایجان رئسپوبلیکاسیندا شهید دئمک، اونا یاس ساخلاماق، باش ساغلیغی وئرمک اؤزونه، بشریته جفا‌دان و خیانتدن علاوه ظلمه معروض قالمیش گونئی آذربایجان تورکونه ظلم و خیانت‌دیر.
اژدر تاغی‌زاده
گونئی آذربایجان دئموکراتیک تورک بیرلیگی (گادتب) و گونئی آذربایجان ایستیقلال‌چی‌لار بیرلیگی (گایب) باشقانی
